> Брэсцкая вобласць > Камянецкі раён > вёска Шастакова

Шастакова на мапе

Шастакова - фота і помнікі

Першая пісьмовая згадка: 1577

Магчымыя варыянты:
Шастакова Шестаково Szostakowo Šastakova Szastakova Shostakovo Shestokovo Шостаково

Каардынаты:
52° 22'18.67"N, 23° 33'34.12"E

Страчаная спадчына

Шастакова

Вёска Шастакова знаходзіцца ў Войскім сельсавеце Камянецкага раёна, за 19 км на захад ад Камянца. Паводле пісьмовых крыніц вядома з 16 ст. Узгадваецца пад 1577 годам як сяло Шастакоў у Камянецкай воласці Берасцейскага ваяводства ВКЛ. У 1-й палове 19 ст. вёска і аднайменны маёнтак у Брэсцкім павеце Гродзенскай губерні Расійскай імперыі. У 1857 г. - 271 рэвізская душа. На пачтку ХІХ ст. - уласнасць Паўла Гафмейстара. Па спадчыне перайшоў да Апалінарыя Гафмейстара - актыўнага ўдзельніка рэвалюцыйнага руху 1840-60-х гг. У маёнтку Шастакоў нарадзіўся Рамуальд Траўгут (4.1.1826-24.7.1864), адзін з кіраўнікоў паўстання 1863-64 гг, бацька якога арандаваў маёнтак.

Рамуальд Траўгут

Рамуальд Траўгут

У 2-й палове 19 ст. вёска і маёнтак у Ратайчыцкай воласці Брэсцкага павета. У 1890 г. землі ў маёнтку Шастакова належалі Івану Жытаву (каля 250 дзесяцін) і Сямёну Сталецкаму (532 дзесяцін). Шастакоўскай сельскай грамадзе належала 370 дзесяцін зямельных угоддзяў. У 1885 г. ў вёсцы 543 жыхары, карчма, піцейны дом. Паводле перапісу 1897 г. ў Шастакове 70 двароў, 422 жыхары, хлебазапасны магазін, 3 ветраныя млыны, 2 кузні, карчма. У 1905 г. — 438 жыхароў, праваслаўнае насельніцтва адносілася да прыходу Ўспенскай царквы ў Царкоўніках. Пад час Першай сусветнай вайны насельніцтва вёскі была вывезена ў глыб Расіі. Гледзячы па лічбам 1923 г. на радзіму вярнулася толькі палова.

Сядзібны дом у Шастакове

Сядзібны дом у Шастакове (фота з выд. W. Bieńkiewicz, Niektóre wiadomości o województwie poleskim, Rocznik Poleski, 1927)Дата: ca. 1927

У 1921-39 гг. Шастакова ў складзе Ратайчыцкай гміны Брэсцкага павета Палескага ваяводства Польшчы. У 1923 г. ў вёсцы - 36 двароў, 200 жыхароў (праваслаўных - 193, іудзеяў - 7), у фальварку Зоф'і Сталецкай - 5 двароў, 83 жыхары (праваслаўных - 73, каталікоў - 3). У 1940 г. вёска, 92 двары, 500 жыхароў, і хутар, 19 двароў, 102 жыхары. З 12.10.1940 г. ў Ратайчыцкім сельсавеце Камянецкага раёна Брэсцкай вобласці БССР. З 14.4. 1964 г. ў Войскім сельсавеце. Паводле перапісаў у Шастакове ў 1960 г. - 247, у 1970 г. — 174, у 2005 г. - 58 жыхароў.

Літ.:
Гарады і вёскі Беларусі, Энцыклапедыя, Том 4 
БРЭСЦКАЯ ВОБЛАСЦЬ, кніга ІI 
Мінск, «БЕЛАРУСКАЯ ЭНЦЫКЛАПЕДЫЯ», 2007