Выбраныя здымкі
Свята-Уладзімірская царква была пабудавана намаганнямі святара Міканора Катовіча ў канцы XIX ст. на ўскраіне вёскі Крупчыцы. Дата яе закладкі (1891 г.) адзначана на камені лесвіцы пры галоўным уваходзе ў царкву. Будаўніцтва храма было завершана да 100-х угодкаў Крупчыцкай бітвы і прыстасавана да гэтай падзеі (1894 год).
За аснову праекта Свята-Уладзімірскай царквы быў узяты так званы "тыповы" праект расейскага праваслаўнага храма, што шпарка ўзводзіліся на беларускіх землях Расейскай імперыі з сярэдзіны XIX ст. Архітэктура царквы вырашана ў псеўдарускім стылі, які імітуе кампазіцыю, асобныя формы і дэталі старажытнарускіх цэркваў.
Крупчыцкі храм па планаваму рашэнню і аб'ёмна-прасторавай кампазіцыі адносіцца да тыпу крыжова-купальных храмаў з вежай-званіцай на галоўным фасадзе. Асноўны храмавы аб'ём у плане мае форму крыжа. На падоўжнай восі да яго далучаны: з захаду двух'ярусная званіца, з усходу пяцісценная апсіда. Збудаванне завяршаецца паўсферычным купалам на масіўным васьмігранным барабане, грані з паўцыркульнымі завяршэннямі прарэзаны высокімі паўцыркульнымі вокнамі. Над купалам узвышаецца галоўка на высокай шыйцы. Падобны купал завяршае вежу-званіцу. Галоўны ўваход вырашаны ў выглядзе арачнага партала, дэкараванага паўкалонкамі. Сцены па баках партала маюць высокія плоскія нішы з праваслаўным крыжам. У дэкаратыўнай аздобе фасадаў шырока выкарыстаны скажоныя формы старажытнарускага дойлідства, так, напрыклад, аконныя праёмы завершаны кілепадобнымі аркамі, у завяршэнні барабанаў, купалоў і сцен выкарыстана форма "какошніка", сцены дэкараваны таксама "бочкападобнымі" паўкалонкамі. Сцены царквы завершаны шматслойным прафіляваным карнізам, дзе вылучаюцца паясы з зубчыкамі, ажурны пояс.
У інтэр'еры вылучаецца цэнтральная падкупалавая прастора. Чатыры масіўныя калоны-слупы падтрымліваюць падпружныя аркі, якія з'яўляюцца асновай канструкцыі купала "на ветразях". У інтэр'еры двух'ярусны драўляны іканастас. Цэнтрам яго кампазіцыі з'яўляюцца царскія вароты, якія вылучаюцца скразной драўлянай разьбой. Першы ярус (мясцовы рад) дэкараваны драўлянымі паўкалонкамі.
За аснову праекта Свята-Уладзімірскай царквы быў узяты так званы "тыповы" праект расейскага праваслаўнага храма, што шпарка ўзводзіліся на беларускіх землях Расейскай імперыі з сярэдзіны XIX ст. Архітэктура царквы вырашана ў псеўдарускім стылі, які імітуе кампазіцыю, асобныя формы і дэталі старажытнарускіх цэркваў.
Крупчыцкі храм па планаваму рашэнню і аб'ёмна-прасторавай кампазіцыі адносіцца да тыпу крыжова-купальных храмаў з вежай-званіцай на галоўным фасадзе. Асноўны храмавы аб'ём у плане мае форму крыжа. На падоўжнай восі да яго далучаны: з захаду двух'ярусная званіца, з усходу пяцісценная апсіда. Збудаванне завяршаецца паўсферычным купалам на масіўным васьмігранным барабане, грані з паўцыркульнымі завяршэннямі прарэзаны высокімі паўцыркульнымі вокнамі. Над купалам узвышаецца галоўка на высокай шыйцы. Падобны купал завяршае вежу-званіцу. Галоўны ўваход вырашаны ў выглядзе арачнага партала, дэкараванага паўкалонкамі. Сцены па баках партала маюць высокія плоскія нішы з праваслаўным крыжам. У дэкаратыўнай аздобе фасадаў шырока выкарыстаны скажоныя формы старажытнарускага дойлідства, так, напрыклад, аконныя праёмы завершаны кілепадобнымі аркамі, у завяршэнні барабанаў, купалоў і сцен выкарыстана форма "какошніка", сцены дэкараваны таксама "бочкападобнымі" паўкалонкамі. Сцены царквы завершаны шматслойным прафіляваным карнізам, дзе вылучаюцца паясы з зубчыкамі, ажурны пояс.
У інтэр'еры вылучаецца цэнтральная падкупалавая прастора. Чатыры масіўныя калоны-слупы падтрымліваюць падпружныя аркі, якія з'яўляюцца асновай канструкцыі купала "на ветразях". У інтэр'еры двух'ярусны драўляны іканастас. Цэнтрам яго кампазіцыі з'яўляюцца царскія вароты, якія вылучаюцца скразной драўлянай разьбой. Першы ярус (мясцовы рад) дэкараваны драўлянымі паўкалонкамі.
Літ. (з змяненн.):
Т.І. Чарняўская
Памяць, Жабінкаўскі раён.
Мінск, Ураджай, 1999