> Брэсцкая вобласць > Драгічынскі раён > вёска Пярковічы > Царква Успення Прасвятой Багародзіцы
Пярковічы. Царква Успення Прасвятой Багародзіцы
Пярковічы. Царква Успення Прасвятой Багародзіцы

Царква Успення Прасвятой Багародзіцы | Пярковічы

Год пабудовы (перабудовы): 1805
Каардынаты:
52° 10'28.10"N, 25° 1'38.75"E

Фотагалерэі

Выбраныя здымкі

Пярковічы. Царква Успення Прасвятой Багародзіцы

Царква дзейнічала да 1961 года, потым разбурапа бальшавікамі. Адноўлена ў 1990 годзе мясцовымі жыхарамі Фота © К. Шастоўскі |

Пярковічы. Царква Успення Прасвятой Багародзіцы

Перад вянчаньнем у Пярковіцкай царкве. Здымак 2002 г. Фота © Anna Ostrowska |

Пярковічы. Царква Успення Прасвятой Багародзіцы

Інтэр'ер. Здымак 2002 г. Фота © Anna Ostrowska |

Першая царква ў Пярковічах была пабудавана намаганьнямі ўладальніка маёнтка біскупа Кірылы Тарлецкага, які з'яўляўся аднім з ініцыятараў Берасьцейскай вуніі 1596 г. Уніяцкая драўляная царква Ўcьпеньня Дзевы Марыі мела дзьве невысокія вежы і купал над прэзбітэрыям. Храм стаяў на мураваным падмурку. Унутры меліся, выкананыя ў мастцкай разьбе, тры алтары, царская брама і іншыя мастацкія каштоўнасьці. У гэтай царкве і знайшоў свой апошні прыстанак біскуп луцкі Тарлецкі. Пад час шматлікіх войнаў XVII ст. царква была спалена.

Цяперашнюю царкву фундавал каля 1770 г. Зянон Віславух, падкаморы берасьцейскі, уладальнік Пярковічаў. Завяршыў будаўніцтва і аздобіў царкву ягоны сын Віктар. У новы храм перанесьлі парэшткі біскупа Тарлецкага і іншых прадстаўнікоў роду. У крыпце ў 1805 г. пахавалі і Зянона Віславуха, з жонкай Ганаратай з Ажэшкаў. Тут жа былі пахаваны Віктар Віславух і дзьве ягоныя жонкі. Пасьля забароны Вуніі храм перайшоў да праваслаўнай царквы. Як кажуць мясцовыя жыхары, ў 1939 г. парэшткі пахаваных у крыпце былі параскіданы, а саму крыпту замуравалі. Цяпер ў пярковіцкай царкве няма аніякіх пасьведчаньняў аб былых яе дабрачынцаў Тарлецкіх і Віславухах.

Ганна Астроўска

Паведамленні