Алешкавічы
Алешкавічы — вёска ў Відамлянскім сельсавеце, за 21 км на поўдзень ад Камянца, 20 км на поўнач ад Брэста, побач з Вялікай Турнай (у гэтым жа сельсавеце ёсць яшчэ адна вёска з такой самай назвай, якая знаходзіцца побач з вёскай Браневічы). У сярэдзіне 19 ст. вёска ў Турнаўскай воласці Брэсцкага павета Гродзенскай губерні. У 1857 г. Алешкавічы ў складзе маёнтка Дзяменічы, уласнасць Баяроўскай, 298 рэвізскіх душ. Паводле перапісу 1897 г. 59 двароў, 475 жыхароў, хлебазапасны магазін, карчма. У 1905 г. ў вёсцы 543 жыхары.
Вятрак у АлешкавічахФота © Кузіч Мікола | Дата: 30/08/2009
У 1921—39 гг. вёска ў Турнаўскай гміне Брэсцкага павета Палескага ваяводства Польшчы. З 12.10.1940 г. вёска ў Турнаўскім сельсавеце Камянецкага раёна Брэсцкай вобласці, на той час 76 двароў, 231 жыхар. У Другую сусветную вайну загінулі і прапалі без звестак 12 жыхароў вёскі. З 16.7.1954 г. ў Відамлянскім сельсавеце. У 1950 г. ў вёсцы 353, у 1959 г. - 289, у 1970 г. 245, 2005 г. - 60 жыхароў. На паўднёвым канцы вёскі з другой паловы 19 ст. ў паўразбураным стане захаваўся вятрак.
Крыніца:
Гарады і вёскі Беларусі, Энцыклапедыя, Том 4
БРЭСЦКАЯ ВОБЛАСЦЬ, кніга ІІ
Мінск, «БЕЛАРУСКАЯ ЭНЦЫКЛАПЕДЫЯ», 2007