> Брэсцкая вобласць > Брэсцкі раён > вёска Чэрні
Чэрні. У вёсцы

Чэрні - фота і помнікі

Першая пісьмовая згадка: XVI

Магчымыя варыянты:
Чэрні Черни Czerni Černi Cherni Tcherni Czerni Czarni

Каардынаты:
52° 9'4.87"N, 23° 45'33.09"E

Што паглядзець у Чэрнях

Страчаная спадчына

Вёска Чэрні

Вёска Чэрні знаходзіцца за 9 км на паўночны ўсход ад Брэста, цэнтр Чэрнінскага сельсавета. Паводле пісьмовых крыніц вядомы з 16 ст. як сяло — прыватная ўласнасць у Берасцейскім павеце і ваяводстве ВКЛ. Пад 1577 г. пазначана як двор Чэрнік. У 1617 г. маёмасць князя Фёдара Масальскага. Пасля 3-га падзелу Рэчы Паспалітай (1795) у складзе Расійскай імперыі, у Слонімскай, з 1797 г. — у Літоўскай, з 1801 г. — у Гродзенскай губерні. Цэнтр маёнтка Чэрні, якім у 1868 г. валодаў Ф. Ягмін. У вёсцы налічвалася 30 мужчын і 31 жанчына. У 1876 г. сяло ў Брэсцкім павеце Гродзенскай губерні, 42 двары, 257 жыхароў. У 1877 г. вяскоўцы пабудавалі новую драўляную царкву.

Чэрні - Царква Святога апостала Іаана Багаслова. Царква ў Чэрнях на здымку часоў 1-й сусветнай вайны

Царква ў Чэрнях на здымку часоў 1-й сусветнай вайныДата фота здымкі: 1916

У 1886 г. 114 жыхароў, царкоўна-прыходская школа, карчма, у Косіцкай воласці. З 1889 г. працавала народнае вучылішча, у якім навучаліся 51 хлопчык і 2 дзяўчынкі. У 1890 г. маёнткам валодаў К. Ягмін. Паводле перапісу 1897 г. 30 двароў, 188 жыхароў, царква, хлебазапасны магазін, царкоўна-прыходская школа. У 1905 г. сяло (151 жыхар) у Косіцкай воласці Брэсцкага павета. Тут размяшчаўся ўчастак паліцэйскіх ураднікаў Мяднянскай воласці. У 1905 г. 1370 дзесяцін зямлі належалі пані Ю. Штэрн. Паводле Рыжскай мірнай дамовы 1921 г. ў складзе Польшчы, у Косіцкай гміне Брэсцкага павета Палескага ваяводства. На 30.9.1921 г. ў вёсках Чэрні-1 і Чэрні-2 (калонія Чэрні) 62 двары, 371 жыхар. З 1939 г. ў складзе БССР. У 1940 г. 61 двор, 362 жыхары, адкрыта 7-гадовая школа. У Другую сусветную вайну 9 вяскоўцаў загінулі на фронце. У 1965 ці 1966 г. разбурана царква. У 1997 г. у Чэрнях пабудавана новая царква.

Чэрні - У вёсцы . Царква у гонар св. апостала і евангеліста Іанна Багаслова, пабудавана ў 1997г.

Царква у гонар св. апостала і евангеліста Іанна Багаслова, пабудавана ў 1997г.Фота © Сімончык Дар'я

Паводле перапісаў 1959 г. — 510, 1970 г. — 280 жыхароў, 1997 г. - 1806 жыхароў, 2005 г. - 841 гаспадарка, 2303 жыхары. Цэнтр камунальнага унітарнага сельска-гаспадарчага прадпрыемства «Маладая гвардыя»; сярэдняя школа, клуб, бібліятэка, бальніца, аптэка, магазін.

Крыніца:
Гарады і вёскі Беларусі, Энцыклапедыя, Том З 
БРЭСЦКАЯ ВОБЛАСЦЬ, кніга І 
Мінск, «БЕЛАРУСКАЯ ЭНЦЫКЛАПЕДЫЯ», 2006

Каментарыі