Ішчална - фота і помнікі

Гісторыя Ішчалны

Ішчална (Ішчаліна) - вёска за 12 км на ПнУ ад Шчучына, 8 км ад чыгуначнай станцыі Скрыбаўцы. 90 жыхароў, 38 двароў (1995 г.).

У пісьмовых крыніцах канца 15 — пач. 16 ст. ўпамінаецца як маёнтак Давойнавічаў у Лідскім павеце. Каля 1515 г. падкаморы ВКЛ Андрэй Давойнавіч заснаваў тут касцёл прасьв. Тройцы. У 1547 г. Станіслаў Давойнавіч паводле прывілея Жыгімонта I залажыў у Iшчаліне мястэчка. На працягу 17 ст. маёнткам і мястэчкам валодалі Лімонты, Вішнявецкія, Палупяты, Радзімінскія-Францкевічы, Скарбек-Важынскія. У 1690 г. — 53 двары. У 1758 г. гродзенскі харунжы Ю.Вал пабудаваў у Iшчаліне мураваны касцёл.

3 1795 г. у Расейскай імперыі. У 19 ст. мястэчка і вёска Шчучынскай воласці Лідскага павета Віленскай губерні, уладанне Скарбек-Важынскіх. У 1897 г. — 118 жыхароў, 14 двароў, паштовая станцыя. У 1915 г. акупавана германскімі войскамі, у 1919—20 - польскім войскам, Чырвонай арміяй. У 1921—39 гг. у складзе Польшчы, вёска і фальварак у Шчучынскай гміне Лідскага павета Навагрудскага ваяводства. 3 1939 г. у БССР, з 12.10.1940 у Гардзеевіцкім сельсавеце Жалудоцкага раёна. У 1941—44 гг. акупавана ням.-фаш. войскамі. 3 17.4.1962 г. у Шчучынскім раёне.

Крыніца:
Валерый Шаблюк
Энцыклапедыя гісторыі Беларусі. Т.3.
Мінск, "Беларуская Энцыклапедыя", 1996