Мікалаева - фота і помнікі

Гісторыя Мікалаева

Невялікая вёска на правым беразе Дзьвіны. У мінулым нічым ня вызначылася. На пачатку ХХ ст. былі тут маёнткі Теклінвіль пры Дзьвіне, дзе жыло агулам 53 чалавекі, (і які за савецкім часам звалі Таклінава) і Мікалаева на аднайменным ручаі, дзе колькасьць жыхароў была трохі большай -57 чалавек. Абодвума маёнткамі валодаў К. фон Фальтын, а насельніцтва належала да Вульскай рыма-каталіцкай парафіі Полацкага дэканату. Аднак за пасьляваенныя гады невялічкія паселішчы зьліліся ў адну вёску, якая пэўна яшчэ і выйграла ад разбурэньня ў першыя дні вайны 1941-45 гг. моста празь Дзьвіну, што надоўга адрэзаў ад яе значна большую Вулу.

Сёньня гэта цэнтар сельсавету. У вёсцы разьмешчаная вучастковая бальніца. На скрыжаваньні ў цэнтры стаяць помнікі ваенным падзеям: загінуўшым землякам і крыж на месцы расстрэлаў вязьняў Беразьвецкае турмы НКВД.