> Брэсцкая вобласць > Жабінкаўскі раён > вёска Рагозна

Рагозна на мапе

Рагозна - фота і помнікі

Гісторыя Рагозны

Першая згадка пра сяло Рагозна — 11.03.1582 г., калі належыла да Здзітавецкага маёнтка В. Сасіна-Калечыцкага. У 1700 г. полацкі стольнік Ф. Фядзюшка запісаў фундуш на новую царкву ў Рагозне. У сярэдзіне XIX ст. у вёсцы дзейнічаў этапны пункт для перасыльных.

З 1862 г. Рагозна стала цэнтрам сялянскага таварыства, тут жылі 153 чалавекі, ад 1863 г. існавала народнае вучылішча, дзейнічалі магазін і карчма. У 1877 г. пад назвай Рагозна існавалі вёска (233 жыхары), фальварак маёнтка Глінішча Відацкіх (7), карчма Бельскіх, царкоўныя землі (41 дзесяціна). Згодна з першым Усерасійскім перапісам (1897 г.), у Рагозне жылі 279 чалавек, было 39 двароў. У пачатку XX ст. знаходзілася станавая кватэра.

Перад Першай сусветнай вайной у Рагазнянскай воласці налічвалася 5980 жыхароў. 26.10. 1899 г. была пабудавана на сродкі прыхаджан новая царква (адрамантавана ўлетку 1929 г., спалена ў 1942 г., у 2000-я пабудавана новая царква). З 1921 г. існавала Рагазнянская гміна (да 23.03.1928 г.). 20.05.1923 г. Рагозну наведаў епіскап гродзенскі і навагрудскі Антоній. У 1935 г. жылі 230 чалавек, у 1970 г. - 272, у 1998 г. — 142. У вёсцы дзейнічаюць клуб і бібліятэка.

Літ.:
А. Р. Бензярук
Памяць. Жабінкаўскі раён
Мінск, Ураджай, 1999

Апублікавана з ласкавай згоды аўтара Анатоля Бензярука

Першая пісьмовая згадка: 1582

Магчымыя варыянты:
Рагозна Рогозно Rohoźna Rahozna Rohozna Rogozno Rohozno

Каардынаты:
52° 9'26.19"N, 24° 5'5.04"E

Страчаная спадчына


Знайдзі свае карані
Пошук сваякоў і продкаў у Беларусі, Літве, Польшчы