> Віцебская вобласць > Докшыцкі раён > вёска Слабада

Слабада на мапе

Слабада - фота і помнікі

Магчымыя варыянты:
Слабада Слобода Słoboda Słabada Sloboda Slabada

Каардынаты:
54° 59'2.09"N, 27° 46'15.85"E

Страчаная спадчына

Гісторыя Слабады

Сяло Слабада адносілася да маёнтка Замошша, які належаў Зяновічам, пазней Багдановічам. Таму ў некаторых крыніцах паселішча згадваецца як Замошская Слабада. У 1795 годзе, паводле рэвізіі, у сяле Слабада маёнтка Замошша было 26 двароў, у якіх пражывала 158 чалавек. Слабада была самым вялікім паселішчам у маёнтку. У 1870 годзе сяло Замошская Слабада адносілася ўжо да маёнтка Янушэва Рудамінаў. Па звестках перапісу насельніцтва 1897 года, насельніцтва Слабады складала 299 чалавек. У 18–19 стагоддзях у Слабадзе была ўзведзена царква (хутчэй за ўсё – уніяцкая).

У 1884 годзе пры царкве ў Слабадзе адкрыта аднакласная царкоўна-прыхадская школа. Па звестках “Отчёта о церковно-приходских школах и школах грамоты Минской епархии за 1890/91 учебный год.”, у школе навучаліся ў 1890/91 навучальным годзе 15 хлопчыкаў. Настаўнікам працаваў Іван Сіндрэвіч, які атрымліваў 15 рублёў за зіму. Свайго памяшкання школа тады не мела, але ўжо у 1920-я гады, калі школа стала чатырохкласнай, каля царквы быў узведзены новы будынак школы.

У 1930 годзе ў Слабадзе было 65 двароў, пражывалі 354 чалавекі, 334 дзесяціны зямлі, частка якой належала мясцоваму святару, які здаваў яе ў арэнду малазямельным сялянам. Страшэнны след у гісторыі Слабады пакінула Другая сусветная вайна. У 1942 годзе за сувязь з партызанамі былі забіты мясцовы святар Аляксандр Новік і ўся яго сям’я, а таксама яшчэ некалькі жыхароў вёскі.

У 1939 годзе каля Слабады збудавана савецкае ваеннае лётнішча, якое існавала да 1945 года. 20 жніўня 1944 года за 2 кіламетры на поўнач ад Слабады разбіўся самалёт І.С. Палявога, які пасмяротна стаў Героем СССР.

У 1967 годзе царкву ў Слабадзе камуністы разбурылі. Але ў 1997 годзе на яе месцы вернікі збудавалі новы храм.

Кастусь Шыталь, краязнаўца
e-mail: ksz@tut.by

Слабада. : Страчаная спадчына | фотаздымкі

Слабада.  Царква Святой Ганны

Слабада. Царква Святой Ганны (> 1800) Унутраны выгляд царквы ў Слабадзе. Здымак 2-ой паловы 1920-х гадоў. Фота © Кастусь Шыталь

Слабада.  Царква Святой Ганны

Слабада. Царква Святой Ганны (> 1800) Царква ў Слабадзе. Здымак 1920-х г. Фота © Кастусь Шыталь | ~1920

Каментарыі