> Гомельская вобласць > Буда-Кашалёўскі раён > мястэчка Уваравічы > Царква Нараджэння Божай Маці

Царква Нараджэння Божай Маці | Уваравічы

Царква ва Ўваравічах

У 1897 годзе значная частка сучаснай Гомельскай вобласці ўваходзіла ў склад Магілёўскай губерні, а царкоўныя прыходы таго часу – у склад Магілёўскай епархіі. У гэтым жа годзе па складзенаму кансісторыяй маршруту царкоўныя прыходы вёсак, мястэчак і гарадоў Быхаўскага, Рагачоўскага і Гомельскага паветаў наведаў епіскап Магілёўскі і Мсціслаўскі Місаіл. Падчас гэтага агляду рабіліся запісы, якія пазней былі надрукаваны ў “Могилевских епархиальных ведомостях” за 1897 – 1898 гады пад назвай “Путевые заметки при обозрении церквей Могилевской епархии Преосвященнейшим Мисаилом, Епископом Могилевским и Мстиславским, в текущем 1897 году”. Унікальнасць гэтых нататкаў у тым, што напісаны яны на аснове старых царкоўных летапісаў і дакументаў, якія безнадзейна для нас згублены, знішчаны часам і ліхалеццямі. Да нядаўняга часу аб існаванні гэтых нататкаў нічога  не было вядома, дадзеныя з іх унікальныя, пасля выхаду ў свет яны нідзе не выкарыстоўваліся. Каб будучыя пакаленні ведалі гісторыю сваіх храмаў, друкуем вытрымкі з нататкаў аб праваслаўных храмах Буда-Кашалёўскага раёна (скарачэнні і мова нататкаў захаваны, толькі напісанне некаторых літар адаптавана да сучаснага рускага алфавіту).

22-23 мая 1897 г. «М. Уваровичи расстоянием от г. Могилева на 150 верст. Архиерея здесь не было 9 лет. Церковь, построенная в 1875 году на средства Правительства, каменная, очень небольшая; она не может вмещать в себя и половины прихожан в 4010 душ обоего пола, там находящихся. Причт 3-х членный. Земли при церкви 36 дес. Священно-церковнослужители живут в общественных домах. Прихожане усердны к церкви Божьей. Там ц.-прих. школа организованная и 3 школы грамоты. Поют в церкви школьники не худо. Во 2-й части ц. летописи записано только за 1895 г. и то кратко, прочие документы в исправности. Воск для ц. свечей покупается у частных торговцев, дешевый и нехороший».

Крыніца:
Вадзім ЛОСЬ, гісторык, член прэзідыума Гомельскага абласнога савета таварыства аховы помнікаў гісторыі і культуры.
Храмы Гомельшчыны: Уваравічы, Івольск, Чабатовічы
Газета “Авангард”, №87 ад 30 кастрычніка 2010 года. – С. 7.

Не існуе
Год пабудовы (перабудовы): < 1861 (1), 1875 (2), 1942 (3)
Страчаны: 1934 (2), 2008 (3)
Каардынаты:
52° 35'34.15"N, 30° 43'47.16"E

Фотагалерэі