> Гродзенская вобласць > Слонімскі раён > горад Слонім > Кляштар бэнэдыктынак
Слонім. Кляштар бэнэдыктынак
Слонім. Кляштар бэнэдыктынак

Кляштар бэнэдыктынак | Слонім

Выбраныя здымкі

Слонім. Кляштар бэнэдыктынак

Былы кляштар бэнэдыктынак у Слоніме Фота © Валеры Міцкевіч |

Кляштар бенедзіктынак у Слоніме

Кляштар бенедзіктынак у Слоніме размяшчаўся на паўднёва-ўсходняй ускраіне горада. Уваходзіў у кальцо манастыроў - абарончых фарпостаў на подступах да горада. Заснаванне кляштара адносіцца да 1669 г., першапачатковыя драўляныя пабудовы ў 1801 г. былі заменены на мураваныя. Знаходіцца на сучаснай вуліцы Чырвонаармейскай.

Ансамбль кляштара бенедзіктынак складаўся з Крыжаўзвіжанскага касцёла (не захаваўся) і кляштарнага корпуса, якія прымыкалі адзін да аднаго. Касцёл уяўляў сабою манументальпае двухвежавае збудаванне ў стылі класіцызму. Яго фасады былі ўпрыгожаны каланадай, а інтэр'еры - сюжэтнымі фрэскавымі роспісамі.

Захаваўся жылы корпус кляштара — Г-падобны ў плане, аднапавярховы будынак галерэйнага тыпу планіроўкі. Галоўнае крыло пакрыта двухсхільным дахам і выцягнута з паўночнага захаду на паўднёвы ўсход уздоўж вуліцы Чырвонаармейскай. Пластыку будынку надаюць арытмічна размешчаныя лапаткі.

Архітэктурна-дэкаратыўнае афармленне інтэр'ера захавала суровую прастату. Часткова захаваліся фрагменты скляпеністых перакрыццяў, якія сведчаць аб іх складаным канструкцыйным рашэнні: акрамя цыліндра з распалубкамі захавалася скляпеністае перакрыцце аднаго з пакояў, вырашанае двума паралельнымі цыліндрамі з цэнтральнай падпружнай аркай і распалубкамі. Па ўсёй даўжыні будынка — сутарэнні галерэйнай планіроўкі. Кладоўкі ў іх перакрыты крыжовым скляпеннем, шырокі калідор - цыліндрычным з распалубкамі.

Цяпер у былым кляштары бенедзіктынак размешчана сярэдняя школа №1 города Слоніма. У 2000-я да цэнтральнага аб'ёму з правага боку прыбудавана крыло.

Крыніца:
В. Б. Караткевіч, А. М. Кулагін
Помнікі Слоніма
Мінск, Навука і тэхніка, 1983

Паведамленні

Год пабудовы (перабудовы): 1669 (1), 1801 (2)
Каардынаты:
53° 5'13.32"N, 25° 19'22.21"E

Фотагалерэі