> Брэсцкая вобласць > Брэсцкі раён > мястэчка Дамачава > Царква Святога апостала Лукі
Дамачава. Царква Святога апостала Лукі
Дамачава. Царква Святога апостала Лукі

Царква Святога апостала Лукі | Дамачава

Год пабудовы (перабудовы): 1905
Стыль: псеўдарускі
Адрас: Дамачава, 225021, Брэсцкі раён, тэл. 96-11-65
Каардынаты:
51° 44'44.55"N, 23° 35'29.76"E
ДСГКК Беларусі: 113Г000082

Фотагалерэі

Выбраныя здымкі

Дамачава. Царква Святога апостала Лукі

Бакавы фасад Фота © К. Шастоўскі | Дата: 03/09/2005

Дамачава. Царква Святога апостала Лукі

Царква Святога Лукі ў Дамачаве Фота © К. Шастоўскі | Дата: 03/09/2005

Царква Святога апостала Лукі ў Дамачаве

Першая царква ў Дамачаве, уніяцкая, была пабудавана прыхаджанамі з дрэва яшчэ ў 1788 г. Пасля ліквідацыі Ўніі царква - праваслаўная прыхадская ва Ўладаўскім дабрачынні. На мяжы ХІХ і ХХ стст. прыход налічваў 1815 вернікаў у 4 вёсках: Дамачава, Дубіца, Навасёлкі, Падлужжа. Існуючая Свята-Лукаўская царква ў Дамачаве пабудавана ў 1905 г.

Царква ў Дамачаве на фотаздымку пач. ХХ ст.

Царква ў Дамачаве на фотаздымку пач. ХХ ст.Фота © Иван Прокопюк | Дата: < 1939

Архітэктура храма вырашана ў псеўдарускім стылі. Пабудавана па кананічнай чатырохчасткавай планіровачнай схеме, якая атрымала дынамічную аб'ёмна-прасторавую кампазіцыю. 3-ярусная шатровая званіца ўзносіцца над простым, але высокім і шырокім прамавугольным у плане зрубам бабінца і ўражвае сваёй амаль гатычнай накіраванасцю ў вышыню. Яе верхнія грані дэкарыраваны балюстрадам і паўкалонамі.

Дамачава - Царква Святога апостала Лукі

Выгляд ад фронтуФота © К. Шастоўскі | Дата: 03/09/2005

Кубападобны аб'ём залы завершаны аграмадным васьмігранным светлавым барабанам, шацёр, як і на званіцы, вянчае цыбульчатая галоўка. Дынаміку архітэктурнай кампазіцыі дамачаўскай царквы ўзмацняюць больш нізкая пяцігранная апсіда і высокі шасціслуповы ганак, завершаны трохвугольным франтонам «мадэрновай» трактоўкі.

Бакавы ўваход

Бакавы ўваход у царквуФота © К. Шастоўскі | Дата: 03/09/2005

Суровая плоскаснасць ашаляваных фасадаў змягчаецца высока ўзнятымі прамавугольнымі вокнамі ў разных ліштвах, ажурнай балюстрадкай званіцы. Галоўны ўваход вылучаны высокім шчыпцом на шасці тонкіх слупах. У інтэр'еры царквы грані раскрытага ў залу барабана і сцены дэкарыраваны паліхромным роспісам. Ветразі барабана падтрымліваюць чатыры спараныя калоны. Апсіда абмежавана разным 3-ярусным іканастасам.

Інтэр'ер, фрагмент

Інтэр'ер, фрагмент (фота - pravoslavie.by)Фота © А. Дыбоўскі | Дата: 07/2007

Літ.:
1. Гродненский православный календарь
Православие в Брестско-Гродненской земле в конце ХІХ века, Том 1
Воронеж, 1899
2. Памяць. Брэсцкі раён
Мінск, БЕЛТА, 1998