Царква Святой Тройцы | Мікуліна

Больш фотаздымкаў (4) >>

Мураваны храм у гонар Прасьв. Тройцы з прыдзеламі ў імя апостала Архіпа й абраза Смаленскае Божае Маці быў перабудаваны з касьцёлу ў 1870-х гадах. Прыдзел апостала Архіпа зроблены ў гонар ушэсьця на прастол імпэратара Аляксандра II, вызваліўшага сялянаў ад крапасной залежнасьці. У храме зьберагаецца шануемая навакольным людам копія з цудадзейнага Смаленскага абраза. У 1880-я пад кіраўніцтвам царкоўнага старосты памешчыка Ўладзіміра Яганава, пры сьвятары а. Іаане Ўвядзенскім былі пабудаваныя трапезная і трох'ярусная званіца. У савецкі час храм не зачыняўся.

Храм змураваны на пагорку на ўскрайку вёскі. Царква мае плян шырокай базылікі з трыма парами крыжовых слупоў. Папярэчная вось падкрэсьлена вялікімі сярэднімі вокнамі доўгіх фасадаў і драўляным франтонам. Унутры храма роўная столь абапіраецца на слупы альбо аркі паміж імі. У заходняй частцы залі знаходзяцца хоры. Пяць гранёных купалаў узьведзеных пры перабудове падтрымліваюць зрокавую крыжовасьць у цэнтры аб'ёма. Сярэдзіна ўсходняга фасаду выдзелена чатырохкалённым портыкам з франтонам. Над сьветлавымі і несапраўднымі прамавугольнымі вокнамі фасадаў - падковападобныя праёмы і нішы. Цагляныя сьцены тынкаваныя. Храм мае рысы клясіцызму.

Вежа-званіца зьвязана з храмам вузкім пераходам. Складаецца з трох чацьверыкоў з дэкаратыўнымі формамі псеўдарускага стылю.

У паўночным баку зьбераглася брама былой агароджы.

Крыніца:
Памятники архитектуры Смоленской области
Москва, 1987

Официальный сайт Смоленской и Калининградской епархии