Выбраныя здымкі
Будынак былога кляштара бэрнардынаў у Воршы. Выгляд ад поўначы (07.2009) Фота © К. Шастоўскі |
Агульны выгляд ад поўначы (фота 1990-х) Фота © Sergei Sottsenko |
Выгляд ад паўднёвага ўсходу (07.2009) Фота © К. Шастоўскі |
У павятовым горадзе Ворша бэрнардыны ўладкаваліся ў 1636 г. па фундацыі караля Ўладзіслава IV. Неўзабаве, у 1653 г., па фундацыі старасты аршанскага Андрэя Млоцкага на зьмену драўлянаму храму заклалі мураваную базыліку Раства Божай Маці.
Мужчынскі бэрнардынскі кляштар займаў шырокі ўчастак на левым беразе Аршыцы і ўпрыгожваў пляц ў Надняпроўскай частцы горада, побач з мостам цераз рэчку Аршыцу. Мураваныя касьцёл і кляштар разьмяшчаліся за кляштарнай агароджай, з некаторым водступам ад пляца ў глыбіню ўчастка. Касьцёл меў пяць алтароў: Вобразу Божага, Покрыва Найсьвяцейшай Божай Маці, сьв. Ганны, сьв. Францыска, сьв. Антонія. Кляштар разьмяшчаўся з паўночна-ўсходняга боку ад храма і прымыкаў да яго прэзбітэрыя. На карце Г. Ляйбовіча касьцёл намаляваны однанававым двухвежавым храмам з прыбудаванай з боку кляштара да прэзбітэрыя вежкай. Алтарная частка храма была зьвернутая на поўнач, каб галоўны партал арыентаваць франтальна пляцу.
Пры касьцёле і кляштару захоўваўся стары каменны будынак. Пазьней была пабудаваная драўляная багадзельня. Да 1830-х гадоў дадаліся новыя гаспадарчыя будынкі: сьвіран, лядоўня; новая агароджа і брама, уладкованыя сажалкі.
Пасьля 1831 г. кляштар перададзены вайсковаму ведамству, а жылы корпус з цягам часу прыстасаваны пад лячэбную ўстанову; зараз тут знаходзіцца аддзяленьне гарадзкой бальніцы. Касьцёл Раства Божай Маці, як і многія іншыя помнікі Воршы не захаваўся.
Мужчынскі бэрнардынскі кляштар займаў шырокі ўчастак на левым беразе Аршыцы і ўпрыгожваў пляц ў Надняпроўскай частцы горада, побач з мостам цераз рэчку Аршыцу. Мураваныя касьцёл і кляштар разьмяшчаліся за кляштарнай агароджай, з некаторым водступам ад пляца ў глыбіню ўчастка. Касьцёл меў пяць алтароў: Вобразу Божага, Покрыва Найсьвяцейшай Божай Маці, сьв. Ганны, сьв. Францыска, сьв. Антонія. Кляштар разьмяшчаўся з паўночна-ўсходняга боку ад храма і прымыкаў да яго прэзбітэрыя. На карце Г. Ляйбовіча касьцёл намаляваны однанававым двухвежавым храмам з прыбудаванай з боку кляштара да прэзбітэрыя вежкай. Алтарная частка храма была зьвернутая на поўнач, каб галоўны партал арыентаваць франтальна пляцу.
Пры касьцёле і кляштару захоўваўся стары каменны будынак. Пазьней была пабудаваная драўляная багадзельня. Да 1830-х гадоў дадаліся новыя гаспадарчыя будынкі: сьвіран, лядоўня; новая агароджа і брама, уладкованыя сажалкі.
Пасьля 1831 г. кляштар перададзены вайсковаму ведамству, а жылы корпус з цягам часу прыстасаваны пад лячэбную ўстанову; зараз тут знаходзіцца аддзяленьне гарадзкой бальніцы. Касьцёл Раства Божай Маці, як і многія іншыя помнікі Воршы не захаваўся.
Літ.:
И.Н. Слюнькова
Наследие архитектуры Беларуси. Монастыри восточной и западной традиций
Москва, Прогресс-Традиция, 2002