> Віцебская вобласць > Верхнядзвінскі раён > горад Верхнядзвінск (Дрыса) > Царква Святога Мікалая
Верхнядзвінск (Дрыса). Царква Святога Мікалая
Верхнядзвінск (Дрыса). Царква Святога Мікалая

Царква Святога Мікалая | Верхнядзвінск (Дрыса)

Выбраныя здымкі

Верхнядзвінск (Дрыса). Царква Святога Мікалая

Агульны выгляд Фота © Грода Надзея |

Верхнядзвінск (Дрыса). Царква Святога Мікалая

Іканастас Фота © Грода Надзея |

Верхнядзвінск (Дрыса). Царква Святога Мікалая

Агульны выгляд Фота © К. Шастоўскі |

Пабудавана ў 1819 г. з цэглы. У 1895 г. адзначана як сабор; да яго была прыпісана могілкавая драўляная Свята-Барыса-Глебская царква.

Царква знаходзіцца на сучаснай вул. Гагарына. Помнік архітэктуры класіцызму. Кананічную 4-часткавую аб'ёмна-прасторавую кампазіцыю складаюць прытвор-званіца, трапезная, малітоўная зала, паўкруглая апсіда. У сілуэце дамінуе 3-ярусная чацверыковая званіца, завершаная невысокім шатром; ярусы вылучаны прафіляванымі карнізамі, прарэзаны арачнымі праёмамі, крапаваны вуглавымі пілястрамі. Над прамавугольным у плане асноўным аб'ёмам узведзены магутны цыліндрычны светлавы барабан з паўсферычным купалам, завершаным невялікім купалком на цыліндрычнай шыі. Плоскасныя сцены крапаваны вуглавымі пілястрамі, расчлянёны прамавугольнымі аконнымі праёмамі ў прафіляваных ліштвах з замковым каменем. Аб'ёмы апяразаны прафіляваным карнізам на сухарыках.

Прастора малітоўнай залы павялічана высокім светлавым барабанам, у яе шырокімі арачнымі прасветамі адкрываюцца памяшканні трапезнай і апсіды. Сцены і скляпенні ў інтэр'еры пакрыты алейнай фарбай некалькіх таноў з трафарэтным малюнкам, купал пабелены.

Крыніца:
А.М. Кулагін
Праваслаўныя храмы на Беларусі
Мінск, Беларуская Энцыклапедыя, 2001

Год пабудовы (перабудовы): 1819
Каардынаты:
55° 47'3.56"N, 27° 56'1.69"E

Фотагалерэі