> Віцебская вобласць > Аршанскі раён > горад Орша > Царква Нараджэння Божай Маці
Орша. Царква Нараджэння Божай Маці
Орша. Царква Нараджэння Божай Маці

Царква Нараджэння Божай Маці | Орша

Выбраныя здымкі

Орша. Царква Нараджэння Божай Маці

Погляд на царкву ад замчышча (ад паўднёвага ўсходу) (фото 07.2009) Фота © К. Шастоўскі |

Орша. Царква Нараджэння Божай Маці

Фота пач. ХХ ст. Фота © К. Шастоўскі |

Орша. Царква Нараджэння Божай Маці

Царква Раства Багародзіцы. Пабудавана ў 2000-я гг. на месцы аднайменнай царквы зруйнаванай ў 1960-я гг. (фото 07.2009) Фота © К. Шастоўскі |

Недалёка ад вусця Аршыцы ў Зааршанскім пасадзе побач з гандлёвай плошчай стаяла саборная царква Раства Багародзіцы, пабудаваная ў стылі барока ў 1691 г. У 19 ст. перайменавана ў Свята-Мікольскую царкву. Храм адзначаны на плане Воршы пачатку 1770-х гг. Царкоўнага комплекс зруйнаваны ў 1950-60-я гг. У 1987 г. пры пракладцы трубаправода ў культурным пласце на месцы царквы былі знойдзены асобныя часткі сцен і падмуркаў, рэшткі паліхромнай кафлі, шматлікія пахаванні.

Царква — твор архітэктуры пераходнага стылю ад барока да класіцызму. Цэнтрычны кубападобны аб'ём меў завершэнне ў выглядзе магутнага паўсферычнага купала, над якім узвышаўся 8-гранны ліхтар. Падобныя вежачкі адзначалі вуглы асноўнага аб'ёму храма. Іх пластычная фігурная трактоўка разам з авальнымі люкарнамі ў аснаванні купала, складана прафіляваныя антаблементы, пластычныя ліштвы прамавугольных аконных праёмаў мелі рысы стылю барока. Аднолькавыя па кампазіцыі плоскасныя фасады храма вырашаны ў стылі класіцызму — завершаны 3-вугольнымі франтонамі, апяразаны антаблементам з дарычным фрызам, фланкіраваны парнымі паўкалонамі. Да асноўнага аб'ёму па восі ўсход—захад далучаліся акруглая апсіда з бакавымі рызніцамі і прытвор. Меліся галоўны і 2 бакавыя ўваходы. Пластычна насычаны інтэр'ер храма быў вырашаны ў стылі позняга барока. Пад храмам мелася крыпта з пахаваннямі.

Службовы корпус з вежай-званіцай выходзіў на Вакзальную (цяпер Савецкую) вуліцу.

Літ.:
А.М. Кулагін
Праваслаўныя храмы на Беларусі
Мінск, Беларуская Энцыклапедыя, 2001


Год пабудовы (перабудовы): 1691
Страчаны: 1960-x
Каардынаты:
54° 30'22.08"N, 30° 25'3.52"E

Фотагалерэі