Касцёл Узвышэння Святога Крыжа | Шаркаўшчына

Першы касцёл Узвіжання Св. Крыжа быў пабудаваны ў 1907 г. Асвечаны ў лістападзе 1907 г. дзісенскім дэканам кс. Мачульскім. Будаваў касцёл кс. Валюшкіс, архітэктар Дубовік. Быў збудаваны з дрэва на ахвяраванні парафіянаў цягам аднаго году. У 60-я гады разабраны. Сучасны касцёл пабудаваны на іншым месцы.

Недалёка ад Шаркаўшчыны, у фальварку Чырвоны Двор (зараз у межах Шаркаўшчыны) была цагляная капліца, збудаваная ў 16 ст. на сродкі Сапегаў. Тытул яе не захаваўся. Ужо ў 20-я гг. 19 ст. яна была паўзруйнаваная, што вынікае са справаздачы ў Віленскую біскупскую курыю. У гэтай капліцы адбываліся набажэнствы падчас пабудовы касцёла ў 1907 г.

Капліца ў гонар свсв. Апосталаў Пятра й Паўла была збудавана ў 1826 г. на сродкі Юстына Шырына. Разабраная ў 1926 г. са згоды Шырынаў. Сродкі ад продажу цэглы былі выкарыстаны на рамонт парафіяльнага касцёлу.

Аляксандар Адамковіч