Do Pana Mikołaja. Panie Mikołaju w Wawiórce są Wodejko oprocz mojej rodzinie. Mój tata jest urodzony we wsi Papiernia- 10 km od Wawriórki. Mama pochodzi ze Starych Wasiliszek.
Jeśli Pan poszukuje krewnych, chętnie służę pomocą. mój emali alicja.wodejko@gmail.com
Moja żona Bożenna ur. w 1948r. w Warszawie jest z d. Wodejko córka Feliksa Wodejko, który urodził się we wsi Wiewiórka.
Zajmuję sie genealogią, czy zna Pani genealogię swojej rodziny?
Proszę o odpowiedż
Antoni Jabłoński i Antonina Trzyleki rodzice mojej babci Wiktori z d jabłońskiej
Гісторыя касцёла пад назвай Перамянення Панскага ў Ваверцы.
Першы драўляны касцёл у Ваверцы быў пабудаваны ў 1413 годзе панам Міхалам Галгіновічам.
У 1840 годзе мясцовы жыхар Самуэль Кастравіцкі пабудаваў новы, адзін з найпрыгажэйшых мураваных касцёлаў з фігурамі, якія былі зроблены са спецыяльнага, вельмі трывалага віду гіпсу. Да сённяшняга дня захаваліся толькі дзве. Пад час першай сусветнай вайны касцёл быў панішчаны і не ў значнай меры абрабаваны. У 1920 годзе касцёл адрамантавалі і памалявалі.
Пазней касцёл быў пашыраны, для чаго былі разабраны дзве сцяны і перабудаваны пад кіраўніцтвам майстра Бэпкі з Вільні.
У 1927-1928 гадах быў пабудаваны цяперашні касцёл з камення і цэглы. Касцёл мураваны з цэглы на высокім фундаменце з каменя. Пабудаваны ў форме крыжа. Даўжыня 41,15м , шырыня 19,7м . Даўжыня касцёла 35м . Маецца тры навы: сярэдняя і дзве бакавыя, вышыня сярэдняй навы 11м , бакавых – 7м . Паталок у касцёле драўляны, быў выкананы паводле праекта інжынера Бароўскага ў 1930 годзе.
Касцёл мае дзве вежы, вышыня якіх складае 44м. У левай вежы знаходзяцца два званы, адзін меншы, другі большы.
Касцёл абгароджаны мурам з каменя, а ад паўднёвага боку з цэглы.
У касцёле знаходзяцца дзве закрыстыі, старая ( яшчэ ад папярэдняга касцёла ) і новая.
13 лістапада 1928 года Лідскі дзекан кс. Хіпаліт Баярунец асвяціў касцёл пад назвай Перамянення Панскага.
У 1936 годзе былі пастаўлены арганы на 15 галасоў. Пад час другой сусветнай вайны стан касцёла не змяніўся.
Першы рамонт ад моманту кансэкрацыі касцёла быў зроблены толькі пад канец 80-х гадоў пад кіраўніцтвам кс. Станіслава Пацыны.
Перш за ўсё была вылажана падлога з тэракотавай пліткі. У 1998 годзе сцены касцёла памалявалі ў белы колер, а дах – у чырвоны.
Галоўны алтар зроблены з дуба ў 1991 годзе пад кіраўніцтвм майстра Рабцава з Феадосіі. Тут знаходзіцца абраз Перамянення Панскага намаляваны на палатне. На алтары знаходзіцца табэрнакулюм, збоку – дзве фігуры з гіпсу св. Пятра і Паўла. У 2005 годзе галоўны алтар і рама, у якім знаходзіцца абраз Перамянення Панскага, былі пакрыты золатам.
Бакавы алтар (быў зроблены з дрэва і адноўлены ў 2006г. ) з абразам Маці Божай з Дзіцяткам Езус на руках у сярэбранай сукенцы ( выкананы на палатне ). Абраз быў адноўлены, а раму пакрылі золатам. 16 верасня 2006 года Кс.бп. Аляксандр Кашкевіч асвяціў адноўленыя алтар і абраз. На алтары стаіць фігура Маці Божай. Маецца абраз св. Францішкі Рымлянкі з пачатку ХХст.
З 1995 года душпастырскую працу праводзяць ксяндзы з Закону Ксяндзоў Кананікаў Рэгулярных Лятэраньскіх. Усе работы, якія зроблены за апошнія пяць годоў па аднаўленню касцёла, былі выкананы пад кіраўніцтвам Кс. Фелікса Папялевіча, які і цяпер працягвае душпастырскую працу ў парафіі.
На каталіцкіх могілках пахаваны восем жаўнераў Арміі Краёвай, якія загінулі 16 чэрвеня 1944 года пад час штурму нямецкага штуцпункта ў Яўлашах. Побач з імі раней знаходзілася магіла легендарнага камандзіра 7-га батальёна паручніка Яна Піўніка “Панурага”, здзейсніўшага адну з самых бліскучых аперацый польскага супраціўлення. Астанкі “Панурага” перанесены ў Пушчу Свентокшыску.