Навасёлкі (Двор) | Сядзіба Чапскіх

в. Навасёлкі. Ашмянскі раён.
Палац графа Чапскага.
У XVI ст. Навасёлкі належалі князям Гальшанскім, ад якіх перайшлі да Радзівілаў, уладальнікаў суседніх Жупран. У пачатку ХІХ ст. Жупраны, Навасёлкі І станькава ( размешчана на Міншчыне) сталі ўладаннямі Кароля Чапскага (н. у 1777 г.), сына Францішка і Веранікі з Радзівілаў. У 1819 г. ён прыкупіў да Навасёлак яшчэ суседні фальварак Авізава. Пасля Кароля Жупраны і Навасёлкі з Авізавым аддзячыў ягог сын Адам Чапскі (1819-1874), а затым унук Адам Ігнацы (н.у 1849 г.).
Адам Чапскі-малодшы разабраў існуючы тут дом, нікім не апісаны, і пабудаваў у Навасёлках у 1893 г. вялікі эклектычны палац, у якім налічвалася 40 пакояў і залаў. Ён быў задуманы як вялікасвецкая рэзідэнцыя.
У будынку былі маленькія трохвосевыя, выгнутыя лукам выступы. Краі былі вышэй, чым астатняя забудова, накрытая гладкім сціснутым дахам. Уздоўж усяго агарода была тэраса са ступенямі ў парк, які быў пасаджаны раней, чым быў пабудаваны палац. У доме мелася старадаўняя мэбля. Сцены выкладзенай кафляй і паклеены палатном і шпалерамі. Частка пакояў мела марскія замалёўкі. Апошні ўладальнік Навасёлак збіраў палотны мастакоў. З некаторых успамінаў высвятляецца, што тут была калекцыя Чыполі і Каналеты. Вялікую каштоўнасць мелі бібліятэка, старыя рэчы х срэбра і фарфору. Рэзідэнцыя Чапскіх, самая вялікая на Беларусі, праіснавала нядоўга і згарэла ў час Першай сусветнай вайны.

Аб маёнтках Ашмяншчыны і іх уладальніках. Міхайлоўшчына. Навасёлкі /Памяць: Гіст.-дакум. хроніка Ашмянскага р-на. – Мн.: БЕЛТА, 2003. – С 606-608.. адказаць

Навасёлкі (Двор) | Сядзіба Чапскіх - Каментарыі

Дадаць паведамленне