> Гомельская вобласць > Калінкавіцкі раён > вёска Ліпаў
Ліпаў. Сядзіба Горватаў

Ліпаў - фота і помнікі

Першая пісьмовая згадка: XV

Магчымыя варыянты:
Ліпаў Липов Lipów Lipaŭ Ліпава Lipava Lipovo Lipov Lipau Lipowo Липово

Каардынаты:
52° 21'44.90"N, 29° 34'11.54"E

Што паглядзець у Ліпаве

Гісторыя Ліпава

Назва маёй вёскі – Ліпаў. Калісьці на тэрыторыі вёскі існавала шмат ліп, менавіта па гэтаму і ўтварылася такая цікавая назва.

Першае пісьмовае ўспамінанне вёскі Ліпаў адносіцца да 17 стагоддзя. У школьным музеі ёсць архіўныя дакументы, якія сведчаць, што валодаў тады вёскай пан Базылега Горват. Маёнтак Ліпаў у 1737 годзе Б.Горват перадаў у валоданне свайму сыну Тадэвушу, той у сваю чаргу перадаў Ліпаў па спадчыне сыну Ігнацію, у якога было дзве дачкі – Філіпіна і Кацярына і чатыры сыны – Антон, Станіслаў, Аляксандр і Даніэль. Валодаць вёскай па праву стаў Антон Горват.

У 1850 годзе А.Горват заклаў у Ліпаве вялікі сад і парк. Месца для парка ён выбраў там, дзе пачыналася рэчка Ведрыч. У тым жа 1850 годзе на тэрыторыі парка А.Горват пачаў будаўніцтва палаца (цяпер гэта адміністрацыйны корпус эксперыментальнай базы “Ліпава”). Пасля смерці А.Горвата яго жонка здала маёнтак у арэнду на 12 гадоў пану Гваздзецкаму, а сама пераехала жыць да пляменніка Аляксандра Горвата ў маёнтак Хабно. Апошнім уладальнікам маёнтка быў Станіслаў Горват, сын Аляксандра. У 1858 годзе быў адкрыты спіртзавод, які належаў Станіславу, Маўрыкію, Аляксандру і Міхаліне Горватам. Пасля Кастрычніцкай рэвалюцыі землі, што належалі памешчыку С.Горвату, былі раздзелены паміж жыхарамі 17 вёсак.

Пасля 1917 года землі, што належалі памешчыку С.Горвату, былі раздзелены паміж жыхарамі 17 вёсак. У 1925 годзе савецкай уладай спіртзавод быў пераабсталяваны ў крухмальны завод, адыходы вытворчасці якога выкарыстоўваліся на корм саўгаснай жывёле. Саўгас спецыялізаваўся на вырошчванні збожжа, агародніны і садавіны. У 1930 годзе крухмальны завод перадалі ў сістэму дзяржаўнага крухмальнага трэста.

Эксперыментальная база “Ліпава” была высокарэнтабельнай гаспадаркай. За яе кошт у Ліпаве ў 1971 годзе пабудаваны Дом культуры, а праз 4 гады ў вёсцы пабудавалі новы будынак школы на 480 месцаў. У гэтыя ж гады пабудавалі новую бальніцу, пачалося асфальтаванне вясковых дарог.

Насельніцтва вёскі складае прыкладна 700-800 чалавек. У Ліпаўскі сельсвет уваходзяць вёскі Вязавіца, Хамічы-2, Ракаў, Косетаў, Міроненкі, Гогалеў, Ператок.

Мікалайчык Паліна

Ліпаў. : Адметнасці | фота выбраных помнікаў

Ліпаў.  Сядзіба Горватаў

Ліпаў. Сядзіба Горватаў (1840-x) Погляд на галоўны фасад Фота © Андрэй Горват

Каментарыі