> Гродзенская вобласць > Іўеўскі раён > мястэчка Суботнікі > Касцёл Святога Ўладзіслава
Суботнікі. Касцёл Святога Ўладзіслава
Суботнікі. Касцёл Святога Ўладзіслава

Касцёл Святога Ўладзіслава | Суботнікі

Год пабудовы (перабудовы): 1904-07
Каардынаты:
54° 5'36.42"N, 25° 45'7.02"E

Фотагалерэі

Выбраныя здымкі

Суботнікі. Касцёл Святога Ўладзіслава

Пасля бежмавання Фота © patocki | Дата: вясна 2010

Суботнікі. Касцёл Святога Ўладзіслава

Інтэр\'ер, цэнтральная нава Фота © К. Шастоўскі | Дата: вясна 2010

Суботнікі. Касцёл Святога Ўладзіслава

Агульны выгляд суботніцкага касьцёла Фота © Ціжоўка Алег (bystar) | Дата: вясна 2010

Уладзіслаўскі касцёл у в. Суботнікі, пабудаваны ў 1904—1907 гг. па фундацыі графа Уладзіслава Умястоўскага і ягонай жонкі Яніны. Часткова пашкоджаны ў гады 2-ой сусветнай вайны, у 1947 г. адноўлены.

Касцёл — помнік архітэктуры неаготыкі. Прамавугольны ў плане чырвонацагляны карабель храма накрыты двухсхільным дахам з вытанчанай сігнатуркай над прэсбітэрыям, пяцігранная апсіда — вальмавым, сіметрычныя сакрыстыі — двухсхільнымі дахамі. Сяродкрыжжа дахаў па тыпу нармандскіх сабораў завершана лёгкай і вытанчанай сігнатуркай. Масіўная трох'ярусная вежа на галоўным фасадзе завершана высокім гранёным шатром. Па баках яе — невялікія гранёныя аб'ёмы лесвічных шахт.

Будынак уражвае ўпэўненай прыземленасцю кампазіцыі, дзякуючы жорсткай сувязі масіўных сцен са ступеньчатымі контрфорсамі, якія рытмічна расчляняюць прасценкі стральчатых вокнаў і "падпіраюць" іх вуглы. Чысціня і дакладнасць цаглянай муроўкі прывабліваюць так, як і чысціня і прыгажосць сілуэтнай лініі будынка. Унутры касцёл падзелены слупамі на тры нефы, перакрытыя цыліндрычнымі з распалубкамі скляпеннямі. Дзякуючы гэтым успарушаным скляпенням і міжнефавым аркадам унутраная архітэктурная прастора не здаецца замкнёнай і абмежаванай жорсткімі сценамі; яна набывае рух, свабоду ўзаемасувязей нефаў — тое, чаго не мелі малітоўныя залы класіцыстычных храмаў, абмежаваныя плоскаснымі геаметрызаванымі сценамі.

На мемарыяльнай пліце ўсталяванай у 1931 г. ў склепе касцёла надпіс: "Фундатары гэтага касцёла Уладзіслаў і Яніна Умястоўскія з Жэмласлава. Касцёл пастаўлены на месцы даўняга малага драўлянага касцёла і асвячоны ў 1904 г., толькі ён ня быў яшчэ скончаны. Цела фундатара было ўнесена ў 1905 г. Потым былі ўнесены парэшткі даўно памерлых найбліжэйшых родзічаў. Вынесены падчас пабудовы з склепу старога касцёла ў падвойных трунах у капліцу на могілках, што пры касцёле і ўнесены ў склеп новага касцёла. Надпіс гэты зроблены на памяць у 1931 г."

Крыніца:
А.М. Кулагін
Эклектыка
Мінск, Ураджай, 2000

Паведамленні