Выбраныя здымкі
Фота © Алена Паўлоўская | Дата: 2014-09-28
Галоўны фасад Фота © К. Шастоўскі | Дата: 2014-09-28
Касцел св. Ганны (?). Гал. фасад. Nasze kościoły; [T. 2], Djecezja mińska. [Z.] 12, Dekanat nadniemeński / pod red. Jozafata Żyskara.
http://www.polona.pl
Фота © J. Żyskar | Дата: 1914
Першапачатковы храм Апекі Божай заснаваны ў 1439 г. Неаднаразова цярпеў ад пажараў. Апошняя перабудова адносіцца да 2-й паловы 18 ст. У савецкі час будынак быў перабудаваны і прыстасаваны пад дзіцячую музычную школу. У 1990-я гг. перададзены вернікам, дзейнічае.
Помнік драўлянага дойлідства з рысамі барока. 3-нефавая 2-вежавая базіліка на высокім мураваным цокалі. Мае ярусную аб'ёмна-прасторавую кампазіцыю: да цэнтральнага высокага нефа, які пераходзіць у 5-гранную апсіду, далучаюцца больш нізкія бакавыя нефы з 1-схільнымі пакрыццямі. Галоўны фасад вырашаны шырокай вертыкальна ашаляванай плоскасцю. Першапачаткова фасад быў фланкіраваны дзвюма 2-яруснымі чацверыковымі вежамі, завершанымі пластычнымі па форме каркаснымі шатровымі сігнатуркамі (вежы былі знесены і ў наш ужо час надбудаваны нізкія вежачкі). Паміж імі быў размешчаны фігурны валютны шчыт, што прыкрываў 2-схільны дах — кампазіцыя, запазычаная з барочнай мураванай архітэктуры. Па цэнтры фасада было лучковае акно, што асвятляла хоры, і 4-слуповы ганак. Бакавыя фасады расчлянёны 2 радамі прамавугольных (раней лучковых) аконных праёмаў і вертыкальнымі брусамі-сцяжкамі ў прасценках.
Мастацкім акцэнтам інтэр'ера з'яўляўся драўляны барочны алтар (не захаваўся), выкананы ў форме порціка з 2 парамі размешчаных уступам канеліраваных карынфскіх калон, якія неслі лучковы франтон з разной кампазіцыяй "Глорыя". Характарызаваўся напружанасцю і экспрэсіўнасцю архітэктурна-пластычнай кампазіцыі, выгінамі хвалістага франтона і карнізных паясоў, насычанасцю скульптурай, вазамі і дэкаратыўнай разьбой. Уся архітэктурна-пластычная кампазіцыя была ўзнята на высокі філёнгавы цокаль са скульптурамі апосталаў па баках. У цэнтры алтара быў жывапісны абраз "Прасвятая Багародзіца" 18 ст.
Перад касцёлам стаяла драўляная 2-ярусная зрубна-каркасная званіца, шатровы гонтавы дах якой завяршала сігнатурка, падобная да касцельнай.
Помнік драўлянага дойлідства з рысамі барока. 3-нефавая 2-вежавая базіліка на высокім мураваным цокалі. Мае ярусную аб'ёмна-прасторавую кампазіцыю: да цэнтральнага высокага нефа, які пераходзіць у 5-гранную апсіду, далучаюцца больш нізкія бакавыя нефы з 1-схільнымі пакрыццямі. Галоўны фасад вырашаны шырокай вертыкальна ашаляванай плоскасцю. Першапачаткова фасад быў фланкіраваны дзвюма 2-яруснымі чацверыковымі вежамі, завершанымі пластычнымі па форме каркаснымі шатровымі сігнатуркамі (вежы былі знесены і ў наш ужо час надбудаваны нізкія вежачкі). Паміж імі быў размешчаны фігурны валютны шчыт, што прыкрываў 2-схільны дах — кампазіцыя, запазычаная з барочнай мураванай архітэктуры. Па цэнтры фасада было лучковае акно, што асвятляла хоры, і 4-слуповы ганак. Бакавыя фасады расчлянёны 2 радамі прамавугольных (раней лучковых) аконных праёмаў і вертыкальнымі брусамі-сцяжкамі ў прасценках.
Мастацкім акцэнтам інтэр'ера з'яўляўся драўляны барочны алтар (не захаваўся), выкананы ў форме порціка з 2 парамі размешчаных уступам канеліраваных карынфскіх калон, якія неслі лучковы франтон з разной кампазіцыяй "Глорыя". Характарызаваўся напружанасцю і экспрэсіўнасцю архітэктурна-пластычнай кампазіцыі, выгінамі хвалістага франтона і карнізных паясоў, насычанасцю скульптурай, вазамі і дэкаратыўнай разьбой. Уся архітэктурна-пластычная кампазіцыя была ўзнята на высокі філёнгавы цокаль са скульптурамі апосталаў па баках. У цэнтры алтара быў жывапісны абраз "Прасвятая Багародзіца" 18 ст.
Перад касцёлам стаяла драўляная 2-ярусная зрубна-каркасная званіца, шатровы гонтавы дах якой завяршала сігнатурка, падобная да касцельнай.
Крыніца:
А.М. Кулагін
Каталіцкія храмы на Беларусі
Мінск, Беларуская Энцыклапедыя, 2000
Паведамленні
Доброй ночи. Скажите пожалуйста можно ли где не будь узнать. Биографию моего прадедушки. Который жил в Дзержинском районе в деревне Глухое Перхурова и был сожон во время второй мировой войны фашистами...
За Саветамі у касьцёле была музычная школа.
У 1990-я гады вернуты аернікам. Адразу пасля адбудовы, 24 ліпеня 2003 году, адбыўся пажар. (см. http://www.utro.ru/news/2003/07/24/216889.shtml) ...