> Мінская вобласць > Маладзечанскі раён > мястэчка Краснае > Царква Покрыва Прасвятой Багародзіцы
Краснае. Царква Покрыва Прасвятой Багародзіцы
Краснае. Царква Покрыва Прасвятой Багародзіцы

Царква Покрыва Прасвятой Багародзіцы | Краснае

Выбраныя здымкі

Краснае. Царква Покрыва Прасвятой Багародзіцы

Выгляд ад дарогі Фота © Вольга Козік |

Краснае. Царква Покрыва Прасвятой Багародзіцы

Інтэр'ер. Фрагмент Фота © Яўген Каломенкін |

Краснае. Царква Покрыва Прасвятой Багародзіцы

Інтэр'ер. Іканастас Фота © Яўген Каломенкін |

Царква пабудавана ў 1889 г. з цэглы і бутавага каменю. Дзейнічае. Прастольнае свята 14 кастрычніка. Помнік архітэктуры псеўда-рускага стылю. Крыжова-купальны храм з паўкруглай апсідай, бакавымі прыдзеламі, кароткай трапезнай, да якой далучаецца 3-ярусная званіца (2 васьмерыкі на чацверыку) завершана купальным пакрыццём, сяродкрыжжа — 8-гранным светлавым купальным барабанам, грані якога прарэзаны арачнымі аконнымі праёмамі, дэкарыраваны нішамі, паўкалонкамі і прафіляванымі броўкамі. Падобнымі сродкамі вырашаны васьмярык званіцы. Арачны ўваходны праём аформлены кілепадобным парталам. Паліхромная бутавая муроўка спалучаецца з атынкаванымі і пабеленымі элементамі дэкору (вуглавыя лапаткі, ліштвы арачных аконных праёмаў, прафіляваныя карнізы і інш.). У інтэр'еры пануе падкупальная прастора сяродкрыжжа, вылучаная з 4 бакоў арачнымі прасветамі. Апсіда вылучана драўляным іканастасам.

Крыніца:
А.М. Кулагін
Праваслаўныя храмы на Беларусі
Мінск, Беларуская Энцыклапедыя, 2001

Год пабудовы (перабудовы): 1889
Каардынаты:
54° 14'56.42"N, 27° 4'44.24"E

Фотагалерэі