> Брэсцкая вобласць > Брэсцкі раён > вёска Яцкавічы > Прысядзібны парк
Яцкавічы. Прысядзібны парк
Яцкавічы. Прысядзібны парк

Прысядзібны парк | Яцкавічы

Уладальнік: Жылка, Зданьскі, Сузін, Талочка
Год пабудовы (перабудовы): XVIII
Каардынаты:
52° 15'56.37"N, 23° 25'32.23"E

Фотагалерэі

Выбраныя здымкі

Яцкавічы. Прысядзібны парк

Сажалкі Фота © Alexandr Kulecha |

Яцкавічы. Прысядзібны парк

Алея Фота © Alexandr Kulecha |

Яцкавічы. Прысядзібны парк

Алея Фота © Alexandr Kulecha |

Рэшткі былога фальварку Чарвінцы каля Яцкавіч

У канцы XVIII ст. фальварак Чарвінцы (цяпер калхозны двор у межах вёскі Яцкавічы) належаў роду Жылкаў, у пачатку XIX ст. перайшоў да Мацея Зданьскага. Пасля яго смерці ўдава Брыгіта Зданьская ў 1820 г. стварыла побач яшчэ адзін фальварак з назвай Зданьшчына. У 1844 г. уладальнікам сядзібы была Антаніна Сузіна. У 1890 г. разам с хутарам Міхалін Чарвінцы (усяго 389 дзесяцін зямлі) належылі Марціну Талочке. Апошнім гаспадаром сядзібы да 2-й сусветнай вайны быў Кароль Талочка.

Сядзібны дом пасля вайны выкарыстоўваўся пад кантору мясцовага калгаса. У пачатку 1990-х гадоў сядзіба стала безгаспадарнай і, у 1997 г. была разбурана. Дом быў у плане простакуты, драўляны, аднапавярховы будынак з невялікім ганкам ад параднага пад'езда. Акрамя сядзібнага дому ў ансамбль уваходзілі парк, сажалка, гаспадарчыя пабудовы.

Яцкавічы - Фальварак . Куток парку. Лістоўніцы

Куток парку. ЛістоўніцыФота © Alexandr Kulecha

Раней парк займаў плошчу больш за 5 га, зараз — менш за гектар. Паводле меркавання А.Т.Федарука, парк быў закладзены ў 2-й палове XVIII ст. Парк быў размешчаны вакол сядзібнага дому ўздоўж кампазіцыйнай лініі, выцягнутай у напрамку з поўначы на поўдзень. Колішняя ўязная алея кароткая. Цэнтральная частка парку перад будынкам сядзібнага дому была аформлена ў выглядзе круга і дэкаравана па перыметры дрэвамі конскага каштана звычайнага і лістоўніцы еўрапейскай.

Яцкавічы - Фальварак . Алея

АлеяФота © Alexandr Kulecha

З паўночнага боку парк абмежаваны пасадкай ліпы. Іх узрост каля 200 гадоў, вышыня больш за 30 м, дыяметр 130-143 см. Тут раслі паркавыя ружы, бэз, язмін і кветкавыя травяністыя расліны. З трох бакоў парк абкружаюць сады, разбітыя на баскеты. Па словах мясцовых жыхароў, у лепшыя годы з адной яблыні збіралі каля 500 кг яблыкаў. Прагулачны маршрут аб'ядноўваў парадную частку з садам і сажалкамі у паўночна-ўсходняй частцы ансамбля. З паўднёвага боку была размешчана гаспадарчая зона. У парку растуць 5 старых дрэў рэдкай на Беларусі гібрыднай формы ліпы сэрцападобнай. Засталося таксама 6 дрэў лістоўніцы еўрапейскай. Шмат дрэваў палегла ў апошнія гады пад час ураганаў. Нягледзячы на парушаную кампазіцыю, парк можа быць часткова адноўлены і захаваны. Патрабуе ўзяцця на ўлік і пад ахову дзяржавы.

Крыніца:
А.Т. Федорук
Старинные усадьбы Берестейщины
Мінск, "Беларуская энцыклапедыя", 2004
Л.М. Несцярчук
Замкі, палацы, паркі Берасцейшчыны Х-ХХ стагоддзяў
Мінск, "БЕЛТА", 2002