> Брэсцкая вобласць > Брэсцкі раён > вёска Вельямовічы > Царква Ушэсця Гасподняга
Вельямовічы. Царква Ушэсця Гасподняга
Вельямовічы. Царква Ушэсця Гасподняга

Царква Ушэсця Гасподняга | Вельямовічы

Год пабудовы (перабудовы): 1868
Архітэктар: І. Калянкевіч
Стыль: псеўда-рускі
Адрас: в. Вельямовічы, 225036, Брэсцкі раён
Каардынаты:
52° 13'17.71"N, 23° 25'57.99"E
ДСГКК Беларусі: 113Г000074

Фотагалерэі

Выбраныя здымкі

Вельямовічы. Царква Ушэсця Гасподняга

Царква Ушэсця Гасподняга ў Вельямовічах Фота © Власюк Юрий | Дата: 30.12.2011

Вельямовічы. Царква Ушэсця Гасподняга

Адноўленая царква Ушэсця Гасподняга ў Вельямовічах Фота © Кузіч Мікола | Дата: 14/05/2011

Вельямовічы. Царква Ушэсця Гасподняга

Выгляд ад фронту Фота © К. Шастоўскі | Дата: 19/01/2004

Пабудавана на заходнім ускрайку Вільямовічаў у 1868 г. з цэглы паводле хадатайніцтва брэсцкага епіскапа Ігнація на месцы трухлявага храма. Падрад на будаўніцтва быў узяты мяшчанамі Чарнігаўскай губерні І. Завенкам, В. Хмельнікавым, Г. Назаравым, І. Цітовым паводле кантракта 1.8.1865 г. Праект, верагодна, распрацаваў архітэктар І. Калянкевіч.

Помнік архітэктуры псеўда-рускага стылю. Прасторавая кампазіцыя складаецца з 4 кананічных частак — да асноўнага кубападобнага аб'ёму праз трапезную далучаны званіца, паўкруглая апсіда. Асноўны аб'ём быў завершаны 5-купаллем. У сілуэце будынка дамінуе 3-ярусная шатровая званіца з макаўкай. Атынкаваныя фасады насычаны архітэктурнай пластыкай, запазычанай са старажытнарускага дойлідства, - аркатурныя паясы, візантыйскія спараныя арачныя аконныя праёмы, аб'яднаныя агульнай кілепадобнай аркай, філёнгавы цокаль, вуглавыя лапаткі, какошнікі, зубчастыя фрызы. Ніжні чацверыковы ярус званіцы завершаны какошнікамі, сярэдні дэкарыраваны прамавугольнымі нішамі і аконнымі праёмамі. Званіца завершана 8-гранным шатром з макаўкай. Зала храма была перакрыта шатровым скляпеннем на ветразях, трапезная - крыжовым.

Крыніца:
А.М. Кулагін
Праваслаўныя храмы на Беларусі
Мінск, Беларуская Энцыклапедыя, 2001