Выбраныя здымкі
Жылы корпус былога кляштару Фота © Міхась Баўтовіч |
Полацак на малюнку канца XVIII ст. У цэнтры -францысканскі касьцёл Сьв. Антонія, зь левага боку - езуіцкі касьцёл Сьв. Стафана Фота © Міхась Баўтовіч |
Гэты будынак пабудаваны на месцы пафранцысканскага касьцёлу Фота © Нашы касьцёлы (http://www.hramy.com) |
Полацкі кляштар францысканцаў (створаны ў 1209 у Італіі Францыскам з Асізы) існаваў у 17 ст. — 1832 г. Стаяў на правым беразе Заходняй Дзвіны. Кляштар пабудаваны паміж 1628 і 1648 (найб. верагодна ў 1640) з дрэва па фундацыі Тэафіла і Крысціны Храпавіцкіх (па іншых крыніцах - полацкім войскім К. Храпавіцкім з жонкай Тэафіляй з Сакалінскіх - А. Ярашэвіч (ці Тэафіляй з Друцкіх-Любецкіх - А. Кулагін).
Першыя 2 францысканскія касцёлы былі пабудаваны з дрэва. У 1763—75 гг. узведзены мураваны касцёл Св. Антонія з Падуі. Касцёл з'яўляўся творам архітэктуры барока. 3-нефавы 2-вежавы з вежачкай над галоўным алтаром храм (даўжыня 23 м, шырыня 15 м) быў накрьггы 2-схільным дахам з чарапічным пакрыццём. Паміж 3-яруснымі вежачкамі знаходзіўся 3-вугольны франтон. Па баках асноўнага аб'ёму былі 2 сакрысціі, над бабінцам — хоры, дзе размяшчаўся арган на 10 галасоў. Галоўны і 4 кулісныя алтары былі выкананы з алебастру. Касьцёл забраны пасьля паўстаньня 1831 г. і перададзены РПЦ (ператвораны ў царкву). Пазьней прададзены прыватнай асобе на цэглу і разабраны ў 1862 г.
У 1778 г. пабудаваны мураваны 2-павярховы прамавугольны ў плане жылы корпус, які шчыльна прылягаў да касцёла. У 1825 г. ў кляштары жылі 4 францысканцы, якімі кіраваў Е. Карчынскі. У 1832 г. кляштар быў зачынены (узначальваў В. Кутоўскі). Захаваўся двухпавярховы жылы корпус, у якім зараз размешчана адміністрацыйная ўстанова.
Першыя 2 францысканскія касцёлы былі пабудаваны з дрэва. У 1763—75 гг. узведзены мураваны касцёл Св. Антонія з Падуі. Касцёл з'яўляўся творам архітэктуры барока. 3-нефавы 2-вежавы з вежачкай над галоўным алтаром храм (даўжыня 23 м, шырыня 15 м) быў накрьггы 2-схільным дахам з чарапічным пакрыццём. Паміж 3-яруснымі вежачкамі знаходзіўся 3-вугольны франтон. Па баках асноўнага аб'ёму былі 2 сакрысціі, над бабінцам — хоры, дзе размяшчаўся арган на 10 галасоў. Галоўны і 4 кулісныя алтары былі выкананы з алебастру. Касьцёл забраны пасьля паўстаньня 1831 г. і перададзены РПЦ (ператвораны ў царкву). Пазьней прададзены прыватнай асобе на цэглу і разабраны ў 1862 г.
У 1778 г. пабудаваны мураваны 2-павярховы прамавугольны ў плане жылы корпус, які шчыльна прылягаў да касцёла. У 1825 г. ў кляштары жылі 4 францысканцы, якімі кіраваў Е. Карчынскі. У 1832 г. кляштар быў зачынены (узначальваў В. Кутоўскі). Захаваўся двухпавярховы жылы корпус, у якім зараз размешчана адміністрацыйная ўстанова.
Крыніца:
А.М.Кулагін
Полацк. Памяць
Мінск, Беларуская Энцыклапедыя, 2002
Аляксандр Ярашэвіч
Энцыклапедыя гісторыі Беларусі
Мінск, Беларуская Энцыклапедыя, 1999
А.М. Кулагін
Каталіцкія храмы на Беларусі
Мінск, Беларуская Энцыклапедыя, 2000