> Брэсцкая вобласць > Брэсцкі раён > вёска Чэрні > Царква Святога апостала Іаана Багаслова
Чэрні. Царква Святога апостала Іаана Багаслова
Чэрні. Царква Святога апостала Іаана Багаслова

Царква Святога апостала Іаана Багаслова | Чэрні

Не існуе
Год пабудовы (перабудовы): 1877
Страчаны: 1965 (1966?)
Каардынаты:
52° 9'4.87"N, 23° 45'29.81"E

Фотагалерэі

Іаана-Багаслоўская царква ў Чэрнях

Царква Святога апостала Іаана Багаслова ў Чэрнях пабудавана прыхаджанамі ў 1877 г. з дрэва. Была вырашана прамавугольным у плане зрубам, да якога далучаліся 5-гранная апсіда і праз бабінец прытвор-званіца. Над званіцай і шатровым дахам малітоўнай залы былі ўталяваныя цыбулепадобныя купалы. Гарызантальна ашаляваныя сцены рытмічна чляніліся прамавугольнымі аконнымі праёмамі ў фігурных разных ліштвах, апяразваліся аркатурным фрызам.

Чэрні - Царква Святога апостала Іаана Багаслова

Царква ў Чэрнях на здымку часоў 1-й сусветнай вайныДата фота здымкі: 1916

На мяжы ХІХ і ХХ стст. чэрнянскі прыход налічваў 1613 прыхаджан у 7 вёсках: Чэрні, Бярдычы, Братылава, Вялюнь, Клімовічы, Мошчанка (цяпер у межах г. Брэста), Селяхі. Царква ў Чэрнях зруйнавана ў 1965 (1966?) г. На месцы царквы зрабілі спартовую пляцоўку. У 1997 г. на тым самым месцы з цэглы была пабудавана новая царква.

Літаратура:
1. Праваслаўныя храмы на Беларусі
Энцыклапедычны даведнік
Кулагін А.М.
Беларуская энцыклапедыя, 2001
2. Гродненский православный календарь. 
Православие в Брестско-Гродненской земле в конце ХІХ века, Том 1. 
Воронеж, 1899