> Брэсцкая вобласць > Бярозаўскі раён > вёска Кабакі > Сядзіба
Кабакі. Сядзіба
Кабакі. Сядзіба

Сядзіба | Кабакі

Не існуе
Год пабудовы (перабудовы): XIX
Страчаны: > 1939
Каардынаты:
52° 29'54.27"N, 24° 45'44.68"E

Фотагалерэі

Выбраныя здымкі

Кабакі. Сядзіба

Сядзібны дом у Кабаках | Дата: ca. 1910

Кабакі. Сядзіба

Перад сядзібным домам Фота © Michał Rogaliński | Дата: 07.1936

Кабакі. Сядзіба

Перад сядзібным домам Фота © Michał Rogaliński | Дата: 1936

Сядзіба у Кабаках

Першы ўспамін пра вёску Кабакі сустракаецца ў актах рэвізіі Кобрынскай эканоміі, праведзенай у 1563 г. каралеўскім рэвізорам Дзмітрыем Сапегам. Пасля 3-га падзелу Рэчы Паспалітай расійская імператрыца Кацярына II падаравала Кабакі фельдмаршалу графу П.А.Румянцаву, які хутка прадаў іх Ягмінам. Новы гаспадар таксама вымушаны быў прадаць Кабакі Влодкам, якія гаспадарылі ў маёнтку амаль цэлае стагоддзе. У пачатку XX ст. Соф'я Влодка выходзіць замуж за Вітольда Свянціцкага. З гэтага часу і да Другой сусветнай вайны двор належаў роду Свянціцкіх.

Пры гаспадаранні Влодкаў у Кабаках быў узведзены мураваны, прамавугольны ў плане сядзібны дом. Ён меў два аднапавярховыя сіметрычна размешчаныя крылы з рызалітамі і невялікімі балконамі. Сярэдняя частка палаца ад параднага пад'езда была двухпавярховая. 2-і паверх меў тэрасу з балюстрадай на трох аркадах і завяршаўся трохвугольным порцікам. Разам з будаўніцтвам палаца быў закладзены парк.

Сядзібны дом у 1939 г. быў моцна пашкоджаны, а ў 1950-я гады разабраны насельніцтвам як будаўнічы матэрыял. Добра захавалася ўязная алея, маецца невялікая сажалка. Ад былых сядзібных пабудоў захваліся вінакурня, пабудаваная ў 1880-я гады, двухпавярховы цагляны будынак, у якім некалі жылі панскія слугі, а таксама стадола.

Паводле: Несцярчук Л. Замкі, палацы, паркі Берасцейшчыны X-XX стагоддзяў. Мн.: БелТА, 2002.