> Магілёўская вобласць > Быхаўскі раён > горад Быхаў > Сінагога Галоўная
Быхаў. Сінагога Галоўная
Быхаў. Сінагога Галоўная

Сінагога Галоўная | Быхаў

Выбраныя здымкі

Быхаў. Сінагога Галоўная

Сынагога ў Быхаве Фота © radziwill.by |

Быхаў. Сінагога Галоўная

Інтэр'ер, фрагмент (фота 1950-х гг.) Фота © Зьміцер Корх |

Быхаў. Сінагога Галоўная

Фрагмент Фота © Уладзiслаў В. Вепржыцкi |

Сінагога пабудавана ў пачатку 17 ст. з цэглы. Будынак амаль квадратны ў плане, завершаны пакатым чатырохсхільным дахам. Фасады расчлянёны тонкім карнізам на 2 ярусы. Нізкі другі ярус спачатку праразалі прамавугольныя і круглыя байніцы (пазней замураваны). Цяпер плоскасці сцен другога яруса раскрапаваны неглыбокімі прамавугольнымі нішамі. Тоўстыя сцены (1,75 м) першага яруса прарэзаны высокімі паўцыркульнымі вокнамі з раструбамі ў абодва бакі. Аконныя праёмы аб'яднаны агульна на ўсю сцяну нішай, якая злучана падугамі з вуглавымі пілястрамі, апрацаванымі рустам. Галоўны заходні фасад з левага боку фланкіраваны круглай абарончай вежай з лесвіцай, якая звязвала падвал і гарышча.

Цэнтральнае месца ў інтэр'еры займае двух'ярусная трыбуна-біма, пляцоўка якой абмежавана 4 магутнымі васьміграннымі слупамі, злучанымі паміж сабой аркамі. Яны з'яўляюцца канструкцыйнай асновай для цыліндрычных скляпенняў з распалубкамі. Вуглавыя часткі перакрыты крыжовымі скляпеннямі. Ніжні ярус бімы мае паўсферычнае перакрыцце, апрацаванае стукавым шматкаляровым раслінным арнаментам, верхні прарэзаны паўцыркульнымі праёмамі. Сцены расчлянёны пілястрамі, прасценкі і вуглавыя часткі на 2/3 вышыні аконных праёмаў апрацаваны плоскімі нішамі. У цэытры ўсходняй сцяны паміж пілястрамі знаходзіцца алтар-ніша, акаймаваны стукавай лепкай.

Крыніца:
Д.А. Міцянін
Збор помнікаў гісторыі і культуры Беларусі. Магілёўская вобласць
Мінск, Беларуская Энцыклапедыя, 1986

Год пабудовы (перабудовы): > 1600
Каардынаты:
53° 31'10.59"N, 30° 15'18.76"E

Фотагалерэі