> Гомельская вобласць > Гомельскі раён > горад Гомель > Гістарычная забудова вул. Валатаўская
Гомель. Гістарычная забудова вул. Валатаўская
Гомель. Гістарычная забудова вул. Валатаўская

Гомель | Гістарычная забудова вул. Валатаўская - Каментарыі

Каардынаты:
52° 26'0.33"N, 31° 0'57.39"E
У Гомелі працягваюць руйнаваць драўляныя дамы, якія вызначалі аблічча гораду на пачатку ХХ стагодзьдзя.

Даўшы дазвол на знос, гарадзкія ўлады самі так і ня вырашылі, што й як зь лепшых узораў драўлянага дойлідзтва захаваць для нашчадкаў.

Намесьніца кіраўніка краязнаўчай суполкі «Талака» Марыся Тульжанкова, якая хадзіла ў гарвыканкам, кажа, што аддзел культуры, па сутнасьці, толькі зараз пераняўся праблемай захаваньня гістарычных драўляных дамоў, хоць пра гэта даўно пісала незалежная прэса і нават мясцовая афіцыйная:
«Толькі сёньня атрымаў гарвыканкам ліст зь Міністэрства культуры з нашымі прапановамі — яго яшчэ не расьпісалі й нікуды не дасылалі. Аб’екты падлягаюць ахове, пакуль ня вырашыцца нешта — ці надаваць ім статус гісторыка-культурнай каштоўнасьці, ці не надаваць. Гэта будынкі на вуліцы Валатаўской №№ 15, 17, 19, 20, 22, 23 і 24».

Пакуль паперы блукаюць па кабінэтах, драўляныя дамы на вуліцы Валатаўской працягваюць руйнаваць. Ужо разбурылі дамы № 23, 25.

Забудоўцам вуліцы Валатаўской выступае менскае акцыянэрнае таварыства «Электрапрам». На месцы зруйнаваных драўляных дамоў плянуюць паставіць шматпавярховікі. Ад дома № 23, які меў разьблёныя аканіцы й фігурны ганак са шпілем, засталася кучка бярвеньня і будаўнічага друзу. Яшчэ раней пайшоў на злом двухпавярховы дом на рагу вуліц Сожаўскай і Карла Маркса. Падрадчыкі падбіраюцца да дома, дзе нейкі час жыла мэцэнатка княгіня Ірына Паскевіч, а пасьля месьцілася музычная вучэльня, у якой выкладалі вядомыя беларускія кампазытары, у прыватнасьці, Рыгор Пукст.

Мясцовыя краязнаўцы лічыць, што з драўляных дамоў, якія зараз няшчадна руйнуюцца, на той жа вуліцы Валатаўской альбо на Пляханава, у колішнім гістарычным раёне Спасава Слабада, можна было стварыць музэй драўлянага дойлідзтва пад адкрытым небам.

Паводле Радыё Свабода - http://www.svaboda.org/content/article/24784071.html

Дадаць паведамленне

*
*
*
*