Крошын. Касцёл Божага Цела

Адметныя мясціны і помнікі на абшарах даўняга ВКЛ | Беларусь Літва Падляшша

Ястрамбель

(Баранавіцкі раён, Брэсцкая вобласць)

Ястрамбель — вёска ў Малахавецкім сельсавеце, за 15 км на поўдзень ад Баранавіч, пры р. Мышанка. Паводле пісьмовых крыніц вядомы з пач. 16 ст. як шляхецкая ўласнасць Пятра Дарагастайскага ў Навагрудскім ваяводстве ВКЛ. У 1567 г. маёнтак Андрэя Падарэўскага, які выстаўляў "коней 12 збройно". З 17 ст. і да сярэдзіны 19 ст. - ўласнасць Рдултоўскіх. У 1776 г. Хрызастом і Канстанцыя Рдултоўскія запісалі фундуш мясцовай царкве. У 1840 г. была пабудавана новая драўляная царква.

У 1851 г. маёнтак Ястрамбель у Рдултоўскіх набыў Міхаіл Катлубай. Род Катлубаяў, татарскага паходжання, валодаў Ястрамбелем да верасня 1939 г. З 1878 г. у вёсцы працавала школа чаравічнага рамяства. У 1879 г. ястрамбелеўскі праваслаўны прыход налічваў каля 1,5 тыс. вернікаў. У 1886 г. сяло Ястрамбель — цэнтр воласці Навагрудскага павета Мінскай губерні, 15 двароў, каля 80 жыхароў. У 1897 г. быў пабудаваны новы мураваны сядзібны дом, які захаваўся да нашага часу.

Ястрамбель - Палацава-паркавы ансамбль Катлубаяў

Былы палац Катлубаяў у ЯстрамбеліФота © AlexOct | Дата: 03/01/2010

Паводле перапісу 1897 г. ў сяле 39 двароў, 229 жыхароў, царква, хлебазапасны магазін, валасное праўленне. У фальварку Катлубаяў працаваў вінакурны завод. На пачатку 20 ст. 54 двары, 261 жыхар, школа граматы; у маёнтку 28 жыхароў. З 1921 г. ў складзе Польшчы, цэнтр гміны Баранавіцкага павета Навагрудскага ваяводства: у вёсцы 31 дом, 161 жыхар, у маёнтку 82 жыхары, працавала вінакурня.

Ястрамбель - Вінакурня

Вінакурня ў ЯстрамбеліФота © Арцём Аблажэй | Дата: 05/2013

З 1939 г. ў БССР, 366 жыхароў. З 15.1.1940 г. ў Навамышскім раёне Баранавіцкай, з 8.1.1954 г. Брэсцкай абласцей, з 8.4.1957 г. ў Баранавіцкім раёне. У Другую сусветную вайну на франтах вайны загінула 12 вяскоўцаў. Паводле перапісаў 1959 г. — 498, 1970 г. — 496, 1998 г. — 376, 2005 г. - 384 жыхары. У вёсцы захавалася сядзіба 19 ст. (уключае жылы мураваны дом, гаспадарчыя пабудовы, пейзажны парк, сад, сажалку), у якой пасля вайны размяшчалася школа-інтэрнат.

Крыніца:
1. Гарады і вёскі Беларусі, Энцыклапедыя, Том З 
БРЭСЦКАЯ ВОБЛАСЦЬ, кніга І 
Мінск, «БЕЛАРУСКАЯ ЭНЦЫКЛАПЕДЫЯ», 2006
2. Памяць. Брэсцкі раён
Мінск, БЕЛТА, 1998
3. А. Т. Федорук
Старинные усадьбы Берестейщины
Мінск, Беларуская Энцыклапедыя, 2006

Беларусь

Літва

Польшча

Расія


Знайдзі свае карані
Пошук сваякоў і продкаў у Беларусі, Літве, Польшчы

Рэклама