Гісторыя Віцантова
Фальварак Віцантова (у польскамоўных дакументах згадваецца як Вінцэнтава) размяшчаўся пры чыгунцы Крулеўшчына – Маладзечна паміж Янушэвам і Валодзькамі. Ён узнік у першай палове 19 стагоддзя на землях маёнтка Порплішча Радзівілаў. У сярэдзіне 19 стагоддзя праз шлюб перайшоў ва ўласнасць князя Вітгенштэйна. Пазней стаў уласнасцю князёўны Марыі Львоўны Гагенлое-Шыленгерфсць, якая распрадала свае землі ў 1892 годзе. Той фальварак быў на поўдзень ад чыгункі.Напачатку 20 стагоддзя землі фальварка былі падзелены чыгункай дзве часткі. На поўнач ад чыгункі ў 1920-я гады ўзнік фальварак Віцантова 1-е, стары фальварак стаў называцца Віцантова 2-е. Па звестках за 1929 год, Віцантова 1-е належала Марыі Пачкоўскай (145 дзесяцін), Віцантова 2-е - Мечыславу Раманоўскаму (161 дзесяціна). Спісы паселішчаў 1930 года даюць наступныя звесткі: Віцантова 1-е – 16 чалавек, 132 дзесяціны зямлі, Віцантова 2-е – 15 чалавек, 145 дзесяцін зямлі. Кожны з іх меў некалькі “запашнікаў” – арандатараў, у Раманоўскага ў Віцантове 2-м была т.зв. “млечарня”, якая дзейнічала і ў час нямецкае акупацыі.
Зараз у Віцантове нічога не засталося ад колішніх фальваркаў.
Кастусь Шыталь, краязнаўца,
e-mail: ksz@tut.by
Вінцантова. : Страчаная спадчына | фотаздымкі
Вінцантова. Фальварак Раманоўскіх (XIX) Вячаслаў Раманоўскі, апошні ўладальнік фальварка Вінцэнтова Дзісенскага павету. Вязень ГУЛАГУ. Памёр у высылцы, Барнаул, 1941 г. Фота з сямейнага альбома Ларысы Шарабайка (г. Глыбокае) Фота © Уладзімір Скрабатун