Жулкаўшчына - фота і помнікі

Гісторыя Жулкаўшчыны

Знаходзіўся паўночней Малых Сяхновічаў, насупраць праваслаўных могілак. У 1763 г. у якасці пасагу за Касцюшкай Кацярынай адышоў да яе мужа К. Жалкоўскага (Жулкоўскага). Ад ягонага прозвішча атрымаў назву. У 1782 г. К. Жалкоўскі з'яўляўся адным з крэдытораў Т. Касцюшкі (гэты доўг за генерала вярнуў Пётр Эстка). У 1787, 1788, 1791, 1792 гг. былі новыя грашовыя спрэчкі Т. Касцюшкі з Жалкоўскімі. У 1816 г. у паселішчы жылі 43 сям'і прыгонных сялян. З цягам часу маёнтак далучыўся да Малых Сяхновічаў, напрыканцы XIX ст. пашкоджаны. Канчаткова спалены ў 1915 г. Да нашага часу захавалася ўрочышча Жалкаўшчызна, рэшткі старадаўняга парку.

А. Р. Бензярук
Памяць. Жабінкаўскі раён
Мінск, Ураджай, 1999
Апублікавана з ласкавай згоды аўтара Анатоля Бензярука