> Брэсцкая вобласць > Брэсцкі раён > вёска Чэрск
Чэрск. Царква Святога Міхала Арханёла

Чэрск - фота і помнікі

Першая пісьмовая згадка: XVI

Магчымыя варыянты:
Чэрск Черск Czersk Čersk Czersk Tchersk Chersk Czersk

Каардынаты:
51° 42'32.41"N, 23° 41'44.08"E

Што паглядзець у Чэрску

Вёска Чэрск

Вёска Чэрск знаходзіцца за 56 км на поўдзень ад Брэста, на аўтадарозе Дамачава—Дубок, у Дамачаўскім пасялковым савеце. Паводле пісьмовых крыніц вядомы з 16 ст. як шляхецкая ўласнасць роду Валашынаў у Берасцейскім старостве і павеце ВКЛ. Каля 1700 г. у Чэрску пабудавана праваслаўная царква. Пасля 3-га падзелу Рэчы Паспалітай (1795) у складзе Расійскай імперыі, у Слонімскай, з 1797 г. — у Літоўскай, з 1801 г. — у Гродзенскай губерні. Вёска і аднайменны фальварак уваходзілі ў маёнтак Дамачава, якім валодалі князі Вітгенштэйны. У 1863 г. пад час нацыянальна-вызваленчага паўстання ў чэрскіх лясах адбыліся баявыя дзеянні паўстанцкага атрада Стасюкевіча з карнымі расійскімі падраздзяленнямі. У выніку двухгадзіннага бою паўстанцы вымушаны былі адступіць, страціўшы 11 чалавек забітымі, 17 былі ўзяты ў палон, а тыя, хто застаўся жывымі, уліліся ў атрад Казіміра Нарбута і працягвалі барацьбу.

Чэрск - Царква Святога Міхала Арханёла. Від з боку апсіды

Царква ў Чэрску, пабудавана на мяжы XVIІ і XVIII стст.Фота © К. Шастоўскі | Дата фота здымкі: 2003/09/21

У 1870 г. вёска — цэнтр сельскай грамады, фальварак — уласнасць князя Вітгенштэйна. У 1886 г. 38 двароў, 395 жыхароў, царкоўна-прыходская школа, капліца, піваварня і бровар, саладоўня, у Дамачаўскай воласці Брэсцкага павета. Паводле перапісу 1897 г. 89 двароў, 538 жыхароў, хлебазапасны магазін, ветраны млын, карчма. Непадалёку ад вёскі размяшчаўся фальварак (З двары, 25 жыхароў). У 1905 г. вёска і фальварак (610 жыхароў) у Дамачаўскай воласці Брэсцкага павета. Паводле Рыжскай мірнай дамовы 1921 г. ў складзе Польшчы, у Дамачаўскай гміне Брэсцкага павета Палескага ваяводства. На 30.9.1921 г. 64 двары, 311 жыхароў. З 1939 г. ў БССР. У 1940 г. ў вёсцы было 135 двароў, 520 жыхароў. У Другую сусветную вайну пад час акупацыі ў вёсцы былі знішчаны 35 двароў, загублена 25 жыхароў; 20 вяскоўцаў загінулі на фронце, 1 — у партызанах. Паводле перапісаў 1959 г. — 539, 1970 г. — 569 жыхароў, 1997 г. - 250 жыхароў, 2005 г. - 76 гаспадарак, 190 жыхароў. У Чэрску захаваўся помнік архітэктуры — Міхайлаўская царква (канец 17 — пачатак 18 ст.).

Крыніца:
1. Гарады і вёскі Беларусі, Энцыклапедыя, Том З 
БРЭСЦКАЯ ВОБЛАСЦЬ, кніга І 
Мінск, «БЕЛАРУСКАЯ ЭНЦЫКЛАПЕДЫЯ», 2006
2. Л.М. Несцярчук
Замкі, палацы, паркі Берасцейшчыны Х-ХХ стагоддзяў
Мінск, "БЕЛТА", 2002