> Гродзенская вобласць > Карэліцкі раён > вёска Беразавец

Беразавец на мапе

Беразавец - фота і помнікі

Гісторыя Беразаўца

У XVI—XVII ст. Беразавец вядомы як замак, фальварак, сяло ў Навагрудскім павеце. Беразавец упамінаецца ў 1601 г. "В зводном акте с обмежеваннем земель, принадлежащих Лавришевскому монастырю", данном митрополиту Ипатию Потею: «Также с десятиною, лежащей около Березовца, даром пана Гришки Микулича Кмиты, где принадлежат монастырю Лавришевскому, по тридцать коп жита за каждый год». У XVII — першай палове XIX ст. сяло і фальварак Беразавец у складзе Карэліцкага маёнтка, які належаў князям Радзівілам. У 1646 г. 20 дымоў, 11 валок зямлі, млын на р. Сэрвач, карчма. Фальварак Беразавец. У 1639 г. адзначаюцца двор і замак Беразавец, сёлы Вялікая Слабада, Тарасавічы — усяго 190 дымоў.

У XIX — пачатку XX ст. у Ярэміцкай воласці Навагрудскага павета. Вёска адносілася да маёнтка Беразавец, які належаў кн. П. Вітгенштэйну. У 1908 г. тут 120 двароў, 638 жыхароў. У 1888 г. (759 дзесяцін зямлі), належаў кн. Марыі Гагенлоэ. У 1897 г. у маёнтку 50 жыхароў, крухмальны завод, сыраварня.

У вёсцы ў 1863 г. пабудавана драўляная Свята Троіцкая царква, у 1900 г. — новы каменны будынак царквы. У 1846 г. намаганнямі святара Беразавецкай царквы М. Віторскага ў вёсцы адкрыта царкоўна-прыходская школа. У час 1-й сусветнай вайны вёска моцна разбурана. З сакавіка 1918 г. Беразавец уваходзіць у склад абвешчанай БНР. У 1921—1939 гг. вёска ў Ярэміцкай, Навагрудскай, з 1926 г. у Турэцкай гміне Стаўбцоўскага павета Польшчы. У верасні 1921 г. 54 двары, 261 жыхар, у фальварку 12 жыхароў. Мелася польская пачатковая школа (у 1931 г. 78 вучняў). У вёсцы дзейнічалі актывісты КПЗБ.

З 12.10.1940 г. вёска (100 двароў, 508 жыхароў) і хутар (13 двароў, 59 жыхароў) у Некрашэвіцкім сельсавеце Мірскага раёна, з 16.7.1954 г. у Луцкім сельсавеце, з 17.12.1956 г. у Карэліцкім раёне БССР. У 2-ю сусветную вайну загінулі 29 жыхароў. 21.8.1948 г. арганізаваны калгас імя Сталіна, 2.3.1957 г. перайменаваны ў калгас імя Суворава, 13.1.1983 г. у калгасе імя Чарняхоўскага, з 12.5.1983 г. у Турэцкім сельсавеце.

На 1.1.2000 г. у вёсцы 59 двароў, 122 жыхары, сельскі клуб, магазін. У вёсцы захаваліся руіны мураванай царквы пач. ХХ ст., якую зруйнавалі ў 1960-я г. на загад мясцовых уладаў. На левым беразе р. Сэрвач захавалася старажытнае гарадзішча.

Крыніца:
Памяць. Карэліцкі раён
Мінск. Белта. 2000

Беразавец. : Адметнасці | фота выбраных помнікаў

Беразавец.  Царква Святой Тройцы

Беразавец. Царква Святой Тройцы (? (1), 1900 (2)) Руіны царквы Фота © К. Шастоўскі

Беразавец.  Краявіды

Беразавец. Краявіды Першы снег Фота © radziwill.by

Першая пісьмовая згадка: 1601?

Магчымыя варыянты:
Беразавец Березовец Berezowiec Bierazaviec Berezovec Berezovets

Каардынаты:
53° 31'23.69"N, 26° 10'5.17"E

Што паглядзець у Беразаўцу


Знайдзі свае карані
Пошук сваякоў і продкаў у Беларусі, Літве, Польшчы