> Гомельская вобласць > Акцябрскі раён > вёска Харомцы
Харомцы. Касцёл Найсвяцейшай Панны Марыі

Харомцы - фота і помнікі

Першая пісьмовая згадка: XVI

Магчымыя варыянты:
Харомцы Хоромцы Choromce Charomcy Horomtsy Horomcy Khoromtsy Kharomtsy

Каардынаты:
52° 41'8.24"N, 28° 37'40.37"E

Што паглядзець у Харомцах

Страчаная спадчына

Гісторыя Харомцаў

Харомцы — вёска ў Парэцкім с/с, за 18 км на ПнЗ ад Акцябарскага, 20 км ад чыг. ст. Рабкор (на ветцы Бабруйск—Рабкор ад лініі Асіповічы—Жлобін), аўтадарога звязвае вёску з в. Чырвоная Слабада, на Пн меліярацыйныя каналы. 100 гаспадарак, 208 жыхароў (2004 г.).

Выяўлены археолагамі курганны могільнік (150 насыпаў паўсферычнай формы, за 2 км на З ад вёскі, ва ўрочышчы Ляскаўшчына, у лесе) сведчыць аб засяленні тутэйшых мясцін у далёкай мінуўшчыне. Па пісьмовых крыніцах вядома з 16 ст. ў Слуцкім павеце Навагрудскага ваяводства ВКЛ, уласнасць праваслаўнай царквы. Па інвентару 1683 г. ў Рудабельскай воласці, у складзе Парэцкага маёнтка, уладальнік якога атрымліваў 163 злотыя і 26 грошаў прыбытку ў год. У 17 ст. 8 дымоў, у Мазырскім павеце. У 1748 г. ўваходзіла ў Парэцкую воласць, уладанне Радзівілаў. Пасля 2-га падзелу Рэчы Паспалітай (1793 г.) у складзе Расейскай імперыі. У 1795 г. 14 двароў. У 1842 г. збудаваны касцёл, які пазней быў перанесены ў в. Карпілаўка (цяпер г.п. Акцябрскі, не захаваўся). У 1844 г. 28 двароў, уладанне двараніна К. Вішчынскага, які ў 1876 г. меў тут 3805 дзесяцін зямлі і карчму. У 1885 г. сяло, 33 двары, 360 жыхароў, у Ляскавіцкай воласці Бабруйскага павета Мінскай губерні. У канцы 19 ст. на вясковых могілках пабудавана з дрэва брама (зараз помнік народнага дойлідства), на ўсходняй ускраіне закладзены парк (цяпер помнік сядзібна-паркавага мастацтва). Сядзібны дом, што быў у парку, не збярогся. У 1908 г. 102 двары, 766 жыхароў. У 1912 г. адкрыта земская школа. У сакавіку 1918 г. ўваходзіць у склад абвешчанай БНР. У 2-й палове 1920-х г. створаны саўгас «Казбек», працавалі паравы млын і кузня. Пачатковая школа ў 1930-я г. ператворана ў сямігадовую. У 1940 г. 226 двароў, 1035 жыхароў. У Другую сусветную вайну нямецкія акупанты стварылі ў вёсцы апорны пункт, які партызаны разграмілі. У красавіку 1942 г. карнікі спалілі 111 двароў і загубілі 233 жыхары, у 1944 г. загубілі яшчэ 207 жыхароў (пахаваны ў магіле ахвяр фашызму ў цэнтры вёскі). 60 вяскоўцаў загінулі на фронце. Паводле перапісу 1959 г. 782 жыхары. У складзе саўгаса «Парэчча» (цэнтр — в. Парэчча).

У Харомцах дом народнай творчасці, бібліятэка, фельчарска-акушэрскі пункт, аддзяленне сувязі, магазін. Планіровачна складаецца з прамалінейнай шыротнай вуліцы, да цэнтра якой далучаецца з Пд кароткая прамалінейная вуліца, а з усходу — 3 завулкі. Забудова двухбаковая, няшчыльная, драўляная, сядзібнага тыпу.

Крыніца:
Гарады і вёскі Беларусі. Гомельская вобласць
Мінск, "Беларуская Энцыклапедыя", 2004


Харомцы. : Адметнасці | фота выбраных помнікаў

Харомцы.  Могілкі Драўляная брама XIX ст.

Харомцы. Могілкі Драўляная брама XIX ст. Агульны выгляд Фота © Грахоцкі (Grochocki) з Харомцаў & Robert Danieluk

Харомцы.  У вёсцы

Харомцы. У вёсцы Хатка Фота © Грахоцкі (Grochocki) з Харомцаў & Robert Danieluk

Харомцы.  Краявіды

Харомцы. Краявіды Крыж на месцы спаленьня мясцовых жыхароў немцамі падчас ІІ сусветнай вайны. у 2010 годдзе крыжа ўжо не было, бо побач нейкі фермер расціць агуркі. Цікава, ці на маю просьбу ён адновіць крыж у памяць аб нявінна забітых?.. Фота © Грахоцкі (Grochocki) з Харомцаў & Robert Danieluk

Харомцы. : Страчаная спадчына | фотаздымкі

Харомцы.  Касцёл Найсвяцейшай Панны Марыі

Харомцы. Касцёл Найсвяцейшай Панны Марыі (1760 (1), > 1843 (2)) Касцёл у Харомцах на здымку пач. ХХ ст.

Харомцы.  Царква

Харомцы. Царква (XVIII?) Крыж на купале царквы ў Харомцах Фота © архіў | ліпень 1949г.

Каментарыі

Tony Kissel, I can help you with translation a photo. Which photo you need to translate? I also can go to this village, but only before 2 October 2020. So, if you interested my help, you can write me on my email: belikov89@inbox.ru. Best regards!)...
I need help translating a photo taken by Vladimir Fiodarau in Charomcy cemetery. The name is Boleslaw Terechowicz and all I can make out is sun Michala...Wiktorii...dluba...1855...

My grandmother, Michalina Terechowicz, married Piotr Kissel in Charomcy in either 1903 or 1905. Her family was from Rozhanov. I have the names of several Terechowicz family members. Thanks!...
My grandparents were married in Khoromtsy in the Catholic Church on 29 June of 1903 or 1905. Their names were Piotr Kisiel and Michalina Terechowicz. Can anyone help me learn more about their families?...
Калі добра прыгледдзецца да старога фота Харомецкага касцёлу, падобна што на пярэднім плане фота відаць менавіта драўляная брама. Ці гэта толькі мне так здаецца?...
Drodzy Anna. Pracuję w miejscowym liceum, studenci mają mieszkańcy Horomts. Mógłbym spróbować zorganizować je 1-2 razy roku w celu poprawy cmentarz. Napisz mi-kola@tut.by Skype Mi-ka-lai...