> Брэсцкая вобласць > Бярозаўскі раён > мястэчка Малеч

Малеч на мапе

Малеч - фота і помнікі

Гісторыя Малеча

За перыяд з XVI па першую палову XVII ст. на Беларусі ўзнікае 414 гарадскіх паселішчаў. Па ўзроўню сацыяльна-эканамічнага і палітычнага развіцця яны не былі аднолькавымі і падзяляліся на дзве асноўныя групы - гарады і мястэчкі, пры пераважнай колькасці апошніх. Іх характэрнай рысай, у параўнанні з гарадамі, была меншая колькасць жыхароў. Разам з гарадамі і мястэчкамі ўзнікала і неабходнасць у адміністрацыі, палітыцы, падатках і г.д. Зразумела, што далёка не ўсе паселішчы дасягнулі такога ўзроўню палітычнай і сацыяльна-эканамічнай арганізацыі, пры якой узнікае патрэба ў існаванні ўласных адміністрацыйных органаў з адноснай незалежнасцю ад прадстаўнікоў каралеўскай, вялікакняжацкай і ўладальніцкай адміністрацый. Узнікала таксама і неабходнасць у гарадской канцылярыі, якая б займалася справаводствам і, як вынік гэтага, мела б уласную пячатку з выяваю гарадскога герба.

Так здарылася, што адзіным на Бярозаўшчыне населеным пунктам, які атрымаў права на самакіраванне, а дакладней, Магдэбурскае права, з'яўляецца вёска Малеч. Першыя пісьмовыя звесткі аб ёй адносяцца да 1563 г. у сувязі з будовай у сяле Малеч царквы. У 1645 годзе Малеч атрымлівае гарадскія правы, але ўладальніца Блудаўскага (Блудзенскага, сучасная вёска Першамайская) стараства Ізабэла Хадкевічавая ў 1668 годзе свавольна скасавала іх. Дэлегатаў горада, якія былі накіраваны ад імя ўсіх мяшчан да караля са скаргай на яе і прашэннем узнавіць правы на самакіраванне, яна загадала схапіць і аддаць у рукі катаў. Толькі спецыяльны загад караля вярнуў ім волю.

На гербе вёскі Малеч была поясная мужчынская фігура з ключамі ў руцэ. Вакол галавы, як сімвал святасці, - німб. У правай верхняй частцы герба - выява чорнага пеўня, у левай - зялёная галінка нейкай расліны.

Для мяне застаецца загадкаю, хто намаляваны на гербе. Калі звярнуцца да іканапісу, дык амаль адзіным святым, якога малявалі з ключамі ад раю ў руцэ, быў апостал Павел. Але які сэнс закладзены ў чорным пеўні? З Евангелля мы ведаем словы: "И вспомнил Пётр слово, сказанное ему Иисусом: "прежде нежели пропоёт петух, трижды отречёшься от меня". (Ев. ад Матфея). Дык хто на гербе, апостал Павел, апостал Пётар, ці нехта іншы, не ведаю, але шукаць адказ на гэтае пытанне неабходна.

Пры напісанні артыкула выкарыстаныя матэр'ялы з кнігі А.Цітова "Гарадская геральдыка Беларусі", Мінск, Полымя, 1989 г.

Анатоль МаразюкГiстарычная брама, №1, 1999

Малеч. : Адметнасці | фота выбраных помнікаў

Малеч.  Царква Святога Сімеона

Малеч. Царква Святога Сімеона (1928 (1873?)) Агульны выгляд (фота 10.05.2010) Фота © К. Шастоўскі

Малеч.  Капліца

Малеч. Капліца Праваслаўная каплічка побач з царквой у Малечы (фота 10.05.2010) Фота © К. Шастоўскі

Малеч.  Прысядзібны парк

Малеч. Прысядзібны парк Зарослая сажалка ў парку (фота 10.05.2010) Фота © К. Шастоўскі

Малеч. : Страчаная спадчына | фотаздымкі

Малеч.  Сядзіба Завадзкіх

Малеч. Сядзіба Завадзкіх (> 1875) Сям'я Свідаў перад сядзібным домам, 1930-я. Малеч належаў Тадэвушу Свіду па жонцы Юліі Завадзкай. Фота © Tadeusz Swida

Першая пісьмовая згадка: 1528

Магчымыя варыянты:
Малеч Малеч Malecz Maleč Malech Malecz Maliecz

Каардынаты:
52° 29'6.100"N, 24° 42'25.93"E

Што паглядзець у Малечы

Страчаная спадчына


Знайдзі свае карані
Пошук сваякоў і продкаў у Беларусі, Літве, Польшчы