Падгорная (Гавінавічы) - фота і помнікі

Гісторыя Падгорнай

Вёска Падгорная (былая Гавінавічы), вёска, цэнтр сельсавета і калгаса. Знаходзіцца на правым беразе р. Лахазва, за 43 км на паўднёвы захад ад г. Баранавічы. У 1555 г. маёнтак, шляхецкая ўласнасць Ганны Ільінічаўны, у 1565 г. двор Соф'і Янаўны Вікторынай, затым маёнтак Гаўрылы Камбулатовіча. З сакавіка 1918 г. уваходзіць у склад абвешчанай БНР. З 1921 па 1939 у складзе Польшчы.

З 12.10.1940 г. цэнтр сельсавета. Перайменавана ў Падгорную ў 1964 г. На 1.1.1998 г. 345 двароў, 822 жыхары. На тэрыторыі вёскі размешчаны сядзібы сельсавета і калгаса, майстэрні па рамонце сельскагаспадарчай тэхнікі, ветэрынарны ўчастак, Дом быту, сярэдняя школа, Дом культуры, бібліятэка, бальніца, аптэка, аддзяленне сувязі, 3 магазіны, царква, помнік — скульптура воіна (1963) на ўшанаванне памяці 96 землякоў, якія загінулі ў 2-ю сусветную вайну. Да Падгорнай далучаны суседні хутар Калодзезік.

Крыніца:
Г.І. Дулеба
Памяць. Баранавіцкі раён
Мінск. Белта. 1999