> Мінская вобласць > Нясвіжскі раён > вёска Прасці

Прасці на мапе

Прасці - фота і помнікі

Гісторыя Прасцяў

У 1860 г. Прасці — маёнтак Навагрудскага павета, 1208 дзесяцін зямлі, вадзяны млын, 3 карчмы, ва ўладанні М.М. Пратасевіча. У 1870 г. маёнтак (Пратасевіча) і вёска, 107 душ мужчынскага полу, у Гарадзейскай воласці. У 1887 г. у маёнтку зпаходзіліся каталіцкая капліца, млыны. У 1897 г. ў вёсцы Proste Ostrowki 53 двары, 282 жыхары, 2 хлебазапасныя магазіны; у маёнтку 18 двароў, 45 жыхароў, капліца. Побач знаходзілася аднаіменная сядзіба, 4 двары, 18 жыхароў, вадзяны млын. У 1909 г. вёска, 57 двароў, 368 жыхароў і маёнтак, 3 двары, 38 жыхароў (1231 дзесяціна зямлі ў 1914 г.). У чэрвені 1906 г. адбыліся забастоўкі рабочых маёнтка.

З сакавіка 1918 г. уваходзіць у склад абвешчанай БНР. У 1921—39 гг. у складзе Польшчы, у Гарадзенскай гміне Нясвіжскага павета. У 1921 г. фальварак, 4 двары, 40 жыхароў, і вёска, 69 двароў, 387 жыхароў. З 1939 г. ў БССР, з 4.12.1939 г. ў Нясвіжскім павеце, з 15.1.1940 г. ў Нясвіжскім раёне Баранавіцкай вобласці, з 12.10.1940 г. ў Астроўскім сельсавеце таго ж раёна і вобласці, з 8.1.1954 г. ў Мінскай вобласці. У 1940 г. вёска, 106 двароў, 405 жыхароў, вадзяны млын і былы маёнтак (4 двары, 52 жыхары). У былым маёнтку арганізаваны калгас імя Калініна. У 1949 г. калгас імя Калініна адноўлены. З 1952 г. вёска ў складзе калгаса імя Маленкова (з жніўня 1957 калгас імя Дзяржынскага), з 30.12.1996 г. ў калектыуным сельскагаспадарчым прадпрыемстве імя Дзяржынскага (цэнтр в. Астроўкі).

На 1.1.1998 г. 88 двароў, 178 жыхароў. Сярэдняя школа, крама на даму. На вясковых могілках захвалася паўзруйнаваная капліца-пахавальня Пратасевічаў.

Крыніца:
В.М. Князева
Памяць. Нясвіжскі раён
Мінск, Белта, 2002

Прасці. : Адметнасці | фота выбраных помнікаў

Прасці.  Капліца-пахавальня Пратасевічаў

Прасці. Капліца-пахавальня Пратасевічаў (XIX) Галоўны фасад Фота © К. Шастоўскі

Прасці.  Краявіды

Прасці. Краявіды Фота © К. Шастоўскі

Каментарыі

Першая пісьмовая згадка: 1860

Магчымыя варыянты:
Прасці Прости Proście Prasci Прасці Prosti Prosci Proste Ostrowki Proscie

Каардынаты:
53° 21'27.75"N, 26° 25'8.10"E

Што паглядзець у Прасцях


Знайдзі свае карані
Пошук сваякоў і продкаў у Беларусі, Літве, Польшчы