Рудзьма - фота і помнікі

Гісторыя Рудзьмы

У канцы XIX ст. Рудзьма — фальварак у Дзераўнянскай воласці Ашмянскага павета Віленскай губерні. У 1905 г. належаў кн. Гогенлоэ, 19 жыхароў. У 1921—1939 гг. у Дзераўнянскай гміне Валожынскага павета Польшчы. У верасні 1921 г. 5 двароў, 24 жыхары. У 1939 г. 25 двароў, 161 жыхар. З 12.10.1940 г. у Сіняўскім сельсавеце Мірскага раёна Баранавіцкай вобласці БССР. З 16.7.1954 г. у Ярэміцкім сельсавеце, з 17.12.1956 г. у Карэліцкім раёне Гродзенскай вобласці. У ліпені 1943 г. нямецка-фашысцкія захопнікі поўнасцю спалілі вёску (31 двор), загубілі 11 яе жыхароў. Пасля вайны Рудзьма адрадзілася. У 1950 г. жыхароў аб'ядналі ў калгас «Чырвоны бераг» створаны ў вёсцы Сіняўская Слабада. З сакавіка 1951 г. Рудзьма ў калгасе імя Молатава (у 1957 г. перайменаваны ў калгас імя Чырвоных партызан), з 1975 г. у калгасе «Сіняўская Слабада», з 1988 г. імя Царука. На 1.1.2000 г. 11 двароў, 19 жыхароў.

Крыніца:
Памяць. Карэліцкі раён
Мінск. Белта. 2000