Сегенеўшчына
Вёска Сегенеўшчына знаходзіцца ў Брэсцкім раёне, Лышчыцкім сельсавеце, за 30 км на паўночны захад ад Брэста. Вядома з 1659 г. як фальварак воўчынскага маёнтка Гасеўскіх. У 19 ст. Сегенеўшчына - маёнтак Гажычаў у Брэсцкім павеце Гродзенскай губерні. На пачатку ХХ ст. Сегенеўшчына - фальварак ў Лышчыцкай воласці Брэсцкага павета.
Гаспадарчая пабудова 19 ст ў СегенеўшчынеФота © К. Шастоўскі | Дата фота здымкі: 2002/09/04
Паводле Рыжскага мірнай дамовы 1921 г. ў складзе Польшчы - калонія Сегенеўшчына ў Лышчыцкай гміне Брэсцкага павета Палескага ваяводства. На 30.9.1921 г. 16 двароў, 70 жыхароў (усе католікі). З верасня 1939 г. ў складзе БССР. Паводле перапісаў у 1940 г. - 24 двары, 106 жыхароў, 1997 г. - 26 гаспадарак, 64 жыхары, 2005 г. - 19 гаспадарак, 33 жыхары. У вёсцы захаваліся руіны гаспадарчых пабудоў (XIX ст.) былой сядзібы Гажычаў.
Крыніца:
1. Гарады і вёскі Беларусі, Энцыклапедыя, Том З
БРЭСЦКАЯ ВОБЛАСЦЬ, кніга І
Мінск, «БЕЛАРУСКАЯ ЭНЦЫКЛАПЕДЫЯ», 2006
2. Rocznik ziem wschodnich,
Warszawa,1939