> Брэсцкая вобласць > Брэсцкі раён > вёска Тамашоўка

Тамашоўка на мапе

Тамашоўка - фота і помнікі

Тамашоўка

Вёска Тамашоўка, цэнтр Тамашоўскага сельсавета, знаходзіцца за 69 км на поўдзень ад Брэста. У цэнтры вёскі чыгуначная станцыя Уладава. На захадзе вёскі па р. Заходні Буг (прыток р. Нараў) праходзіць мяжа з Польшчай, на поўдні - мяжа з Украінай. Вёска ўтворана на мяжы XIX і XX стст. у Прыбараўскай воласці Брэсцкага павета Гродзенскай губерні на землях фальварку Тамашоўка маёнтка Тамаша Замойскага Прыбарава для абслугоўвання станцыі Уладава чыгункі Хэлм-Брэст (1887 г.) У 1-ю сусветную вайну ў 1915-16 гг. пад Уладавай адбыліся баі паміж германскімі, аўстра-венгерскімі і  расійскімі  войскамі, у час якіх загінулі 1346 салдат з абодвух бакоў. У 1919 г. могілкі з пахаваннямі палеглых вайскоўцаў, былі ўпарадкаваныя.

Помнік вайскоўцам, палеглым ў бітвах пад Ўадавай у Першую сусветную вайну

Помнік вайскоўцам, палеглым ў бітвах пад Ўладавай у Першую сусветную вайну ў ТамашоўцыФота © К. Шастоўскі | Дата фота здымкі: 2005/09/03

Паводле Рыжскай мірнай дамовы 1921 г. ў складзе Польшчы, у Прыбараўскай гміне Брэсцкага павета Палескага ваяводства. У перапісе 1921 г. пад назвай Тамашоўка ўзгадваецца толькі лясніцтва, 3 двары, 18 жыхароў. На чыгуначанай станцы Уладава (цяпер у межах Тамашоўкі) - 24 двары, 185 жыхароў. У 1928 г. пасля адмінстрацыйнай рэформы ў складзе Дамачаўскай гміны Брэсцкага павета Палескага ваяводства.

Адразу па Першай сусветнай вайне граф Тамаш Замойскі распрадаў землі фальварку Тамашоўка, дзялкі набылі габрэі з Уладаўкі. У міжваенны час, дзякуючы наяўнасці чыгуначнай станцыі і блізкасцю да горада Ўладава (7 км), Tамашоўка стала цэнтрам гандлю лесам, рыбы, буйной рагатай жывёлы, мукі. У той жа час суседняе мястэчка Ўладаўка і нават горад Уладава, пачалі занепадаць, і некаторыя іх жыхары пачалі перасяляцца ў Тамашоўку. Да 1937 г. насельніцтва Тамашоўкі павялічылася да 3 тыс. жыхароў, збольшага габрэяў.

З верасня 1939 г. ў складзе БССР. У 1940 г. у Тамашоўцы 411 двароў, 4150 жыхароў. У Другую Сусветную вайну летам 1942 г. гітлераўцы стварылі Тамашоўскае гета. У канцы ліпеня 1942 г. праведзена масавае знішчэнне вязняў гета, загінула 2200 габрэяў, якія былі пахаваны ў агульнай магіле на поўначы вёскі. У чэрвені 1949 г. арганізаваны калгас імя Дзяржынскага ў в. Прыбарава, у які ўключана і вёска Тамашоўка. Паводле перапісаў 1959 г. - 756, 1970 г. - 898 жыхароў, 1997 г. - 376 гаспадарак, 1287 жыхароў, 2005 г. - 379 гаспадарак, 1330 жыхароў. У Тамашоўцы створаны музей касманаўтыкі (у вёсцы вучыўся двойчы Герой Савецкага Саюза касманаўт Пётр Клімук, нарадзіўся ў суседняй в. Камароўка).

Крыніца:
1. http://pl.wikipedia.org/wiki/Tomaszówka_(obwód_brzeski)
2. Гарады і вёскі Беларусі, Энцыклапедыя, Том З 
БРЭСЦКАЯ ВОБЛАСЦЬ, кніга І 
Мінск, «БЕЛАРУСКАЯ ЭНЦЫКЛАПЕДЫЯ», 2006

Каментарыі

Na początek witam Państwa serdecznie.
Szukam wszelkich informacji, szukam swoich korzeni. Nazwisko: KRATIUK
Mój dziadek Paweł i jego brat bliźniak urodzili się w Kaplonosach (pow. włodawski) w roku 1906.
Paweł jednak na stałe związany był z Włodawą.
Natomiast podczas tworzenia drzewa rodzinnego wraz z moim bratem stan...
Jeszcze raz...
Czy z Tomaszówki(lub okolic) jest ktoś, kto zna, pamięta lub słyszał o nazwisku KRATIUK ? Bardzo Was proszę odezwijcie się do mnie.
Dajcie znać !!!
Każda informacja jest dla mnie bardzo ważna.
Mieszkam aktualnie w Białej Podlaskiej.
Mój pradziadek pochodził z Tomaszówki lub jej okolic.
Szukam ws...
Есть люди по фамилии;Кардаш,Карват,Карпюк,Крисюк....
Kto z Tomaszówki zna, pamięta lub słyszał o nazwisku KRATIUK, bardzo proszę odezwijcie się do mnie.
Dajcie znać !!!
Mieszkam aktualnie w Białej Podlaskiej. Mój pradziadek pochodził z Tomaszówki lub jej okolic.
Szukam wszelkich informacji na temat swojej rodziny (jej pochodzenia).
Pradziadek nazywał się Andrzej Kratiuk a j...
Томашовка - просто райский уголок! Хочется туда возвращаться! Рано утром просыпаешься, выходишь на улицу - а природа как бы замерла, и в этой прекрасной тишине охватывает чувство умиления, и ты прямо задыхаешься от этой свежести, которой наполнен воздух.
Живя в большом городе, постоянно вспоминаю и думаю об этих славных местах, где так приятно проводить время! Где свежий воздух, замечательная ...

Магчымыя варыянты:
Тамашоўка Томашовка Tomaszówka Tamašoŭka Tomashovka Томашевка Томашоўка

Каардынаты:
51° 33'28.20"N, 23° 36'10.47"E

Што паглядзець у Тамашоўцы


Знайдзі свае карані
Пошук сваякоў і продкаў у Беларусі, Літве, Польшчы