> Мінская вобласць > Нясвіжскі раён > горад Нясвіж > Плябанія
Нясвіж. Плябанія
Нясвіж.  Плябанія

Плябанія | Нясвіж

Выбраныя здымкі

Нясвіж.  Плябанія

Галоўны фасад Фота © К. Шастоўскі |

Нясвіж.  Плябанія

Дваровы фасад Фота © К. Шастоўскі |

Нясвіж.  Плябанія

Лесьвіца на другі паверх Фота © К. Шастоўскі |

Мураваны двухпавярховы будынак плябаніі, дзе размяшчаліся жылыя, гаспадарчыя і службовыя памяшканні пабудаваны пасля 1773 г., калі касцёл стаў фарным. Будынак захаваў асаблівасць жыллёвай архітэктуры 18 ст. Спачатку дом ксяндза быў прамавугольны ў плане, накрыты высокім вальмавым дахам. У 19 ст. да тарцовай часткі прыбудаваны аднапавярховы мураваны Г-падобны ў плане жылы дом. Галоўны фасад (арыентаваны да касцёла) рытмічна прарэзаны прамавугольнымі аконнымі праёмамі, у цэнтры — галоўны ўваход, вылучаны двухкалонным порцікам пад двухсхільным дахам з трохвугольным франтонам.

На дваровым фасадзе першапачаткова на яго другім паверсе была арачная галерэя. У час перабудовы арачныя праёмы былі закладзены. Цяпер на дваровым фасадзе захаваліся фрагменты плоскіх паўцыркульных арачных ніш, якія нагадваюць аркаду. Паміж нішамі на ўсю вышыню 2-га паверха праходзяць пілястры. Цэнтральная частка сцяны на даху вылучана трохвугольным франтонам з маленькім круглым акном-продухам. Унутраная планіроўка плябаніі зменена.

Мяркуюць, што ў гэтым доме ў 1750—90-я гт. размяшчалася друкарня. Цяпер тут таксама друкарня раённай газеты (вул. Міцкевіча, 5). На будынку ў 1972 г. ўстаноўлена мемарыяльная дошка Сымону Буднаму. У 1982 г. побач з будынкам пастаўлены помнік Сымону Буднаму (скульптар С. Гарбунова, архітэктар Ю. Казакоў).

Літ.:
Т.І. Чарняўская
Памяць. Нясвіжскі раён
Мінск, Белта, 2002

Год пабудовы (перабудовы): XVI-XIX
Каардынаты:
53° 13'13.86"N, 26° 40'57.42"E

Фотагалерэі