Выбраныя здымкі
Нясьвіж. Касьцёл і кляштар дамініканцаў, да 1873 г. Фота © Шулаеў Андрэй | Дата: < 1873
Нясьвіж. Касьцёл і кляштар дамініканцаў. Макет места ў Ратушы. Фота з http://forum.znyata.com/ Фота © Сьвятлана Кандыбовіч | Дата: < 1873
Нясьвіж. Касьцёл дамініканцаў, перабудаваны ў 19 ст. ў будынак настаўніцкай сэмінарыі. Фота пач. 20 ст., з http://forum.znyata.com/ Фота © Шулаеў Андрэй | Дата: < 1873
Кляштар дамініканаў у Нясвіжы
Дамініканскі кляштар у Нясвіжы дзейнічаў у 1672—1873гг. Заснаваны ў 1672 г. падчашым смаленскім Б. Баканоўскім і М.К. Радзівілам, які, верагодна, выдзеліў месца для пабудовы кляштара. У 1842 г. кляштару належала 268 валок зямлі і 12 тыс. руб. капіталу.26.8.1680 г. асвячоны мураваны, 3-нефавы, з 2-вежавым фасадам касцёл Яна Хрысціцеля. Яго скляпенні і сцены былі размаляваны вядомым мастаком Д. Гескім. У алтары знаходзіўся абраз Маці Божай Ружанцавай, які лічыўся цудатворным. Да касцёла прымыкаў 2-павярховы мураваны корпус кляштара. Пасля закрыцця ў 1773 г. Нясвіжскага езуіцкага калегіума дамініканцы ўтрымлівалі пры сваім кляштары гімназічныя школы, пазней павятовыя (зачынены ў 1835 г.). У апошні перыяд існавання кляштара сюды адпраўлялі ксяндзоў, якія не хацелі правіць імшу на рускай мове. У 1873 г. скасаваны. Будынкі кляштара да нашага часу не захаваліся.
Крыніца:
А.А. Ярашэвіч
Памяць. Нясвіжскі раён
Мінск, Белта, 1998