Выбраныя здымкі
Слуцкая брама ў Нясвіжы Фота © К. Шастоўскі | Дата: 13/10/2013
Слуцкая брама на здымку 1930-х г. Фота © К. Шастоўскі | Дата: 13/10/2013
Агульны выгляд Фота © К. Шастоўскі | Дата: 13/10/2013
Слуцкая брама стаяла ў абарончым гарадскім валу на дарозе, што звязвала Нясвіж са Слуцкам. Пабудавана разам з абарончай гарадской сістэмай у 16 ст., але падчас вайсковых дзеянняў 17 ст. была разбурана. Зноў пабудавана ў 1690 г. на старым месцы, перабудоўвалася ў 1700 г. (паводле іншых звестак, у 1760 г.). Стаіць на дарозе-дамбе на беразе возера паміж Новым і Старым горадам. У 1970 г. рэстаўрыравана.
Брама — мураваны дух'ярусны прамавугольны ў плане будынак з арачным праездам па цэнтры (даўжыня аркі каля 10,3 м). Сцены брамы ўмацаваны контрфорсамі, будынак накрыты двухсхільным чарапічным дахам. Галоўны і процілеглы (тыльны) фасады завершаны пластычнымі франтонамі з крывалінейнымі абрысамі. На першым ярусе брамы былі памяшканні для варты, на другім — капліца, якая раскрывалася праз вялікі аконны праём з балконам у бок горада.
Капліца зроблена на сродкі нясвіжскіх мяшчан у 1700 г. Адноўлена ў 1788 г. князем Каралем Радзівілам. Пасля паўстання 1863 г. капліца закрыта; адноўлена толькі ў 1900 г. У капліцы меўся шанаваны абраз Найсвяцейшай Панны Марыі з дзіцем Езусам у багатым сярэбраным абкладзе.
Брама — мураваны дух'ярусны прамавугольны ў плане будынак з арачным праездам па цэнтры (даўжыня аркі каля 10,3 м). Сцены брамы ўмацаваны контрфорсамі, будынак накрыты двухсхільным чарапічным дахам. Галоўны і процілеглы (тыльны) фасады завершаны пластычнымі франтонамі з крывалінейнымі абрысамі. На першым ярусе брамы былі памяшканні для варты, на другім — капліца, якая раскрывалася праз вялікі аконны праём з балконам у бок горада.
Капліца зроблена на сродкі нясвіжскіх мяшчан у 1700 г. Адноўлена ў 1788 г. князем Каралем Радзівілам. Пасля паўстання 1863 г. капліца закрыта; адноўлена толькі ў 1900 г. У капліцы меўся шанаваны абраз Найсвяцейшай Панны Марыі з дзіцем Езусам у багатым сярэбраным абкладзе.
Крыніца:
Т.І. Чарняўская
Памяць. Нясвіжскі раён
Мінск, Белта, 2002
А.М. Кулагін
Каталіцкія храмы на Беларусі
Мінск, Беларуская Энцыклапедыя, 2000