> Гомельская вобласць > Чачэрскі раён > горад Чачэрск > Царква Праабражэння Гасподняга
Чачэрск. Царква Праабражэння Гасподняга
Чачэрск. Царква Праабражэння Гасподняга

Царква Праабражэння Гасподняга | Чачэрск

Выбраныя здымкі

Чачэрск. Царква Праабражэння Гасподняга

Свята-Праабражэнскі храм у Чачэрску. Здымак 13.08.07 Фота © Дыянісій Піліпенка |

Чачэрск. Царква Праабражэння Гасподняга

Праабражэнская царква ў Чачэрску Фота © маша п. |

Чачэрск. Царква Праабражэння Гасподняга

Інтэр\'ер. Фрагмент (13.08.07) Фота © Дыянісій Піліпенка |

Помнік архітэктуры класіцызму. Пабудавана ў 1783 годзе ў Чачэрску графам Чарнышовым у ансамблі з трыма іншымі храмамі (не зберагліся). Мураваны 2-ярусны храм-ратонда (у плане круг з унутраным дыяметрам каля 15 м), завершаны паўсферычным купалам на ступеньчатым барабане. Над бабінцам (прамавугольны ў плане аб’ём з франтонам на галоўным фасадзе) пабудавана васьмерыковая вежа-званіца, накрытая гранёным купалком, з усходу да царквы прылягае прамавугольная ў плане алтарная апсіда.

Асноўны аб’ём падзелены на ярусы развітым дарычным антаблементам. Сцены ніжняга яруса рытмічна расчлянёны пілястрамі, паўкруглымі і плоскімі нішамі, верхняга яруса – квадратнымі вокнамі, паміж якімі фігурныя філянговыя рамы. Асноўнае памяшканне царквы – адзіная прастора. У інтэр’еры над уваходам у залу зроблены драўляныя хоры. Пілястры ўпрыгожаны стылізаванымі іанічнымі капітэлямі. Інтэр’еры былі аздоблены размалёўкай італьянскіх майстроў. Царква дзейнічае. Помнік рэспубліканскага значэння.

Крыніца:
Архітэктура Беларусі: Энцыкл. давед. / Беларус. Энцыкл.; Рэдкал.: А.А. Воінаў і інш. – Мінск: БелЭн, 1993. - С. 483

Год пабудовы (перабудовы): 1783
Каардынаты:
52° 55'0.09"N, 30° 54'54.12"E

Фотагалерэі