Царква ў Старым Крупцы
У 1897 годзе значная частка сучаснай Гомельскай вобласці ўваходзіла ў склад Магілёўскай губерні, а царкоўныя прыходы таго часу – у склад Магілёўскай епархіі. У гэтым жа годзе па складзенаму кансісторыяй маршруту царкоўныя прыходы вёсак, мястэчак і гарадоў Быхаўскага, Рагачоўскага і Гомельскага паветаў наведаў епіскап Магілёўскі і Мсціслаўскі Місаіл. Пад час гэтага агляду рабіліся запісы, якія пазней былі надрукаваны ў “Могилевских епархиальных ведомостях” за 1897 - 1898 гады пад назвай “Путевые заметки при обозрении церквей Могилевской епарии Преосвященнейшим Мисаилом, Епископом Могилевским и Мстиславским, в текущем 1897 году”.
Троіцкая царкв ў Старым КрупцыФота © К. Шастоўскі | Дата: 08.2008
Унікальнасць гэтых нататкаў у тым, што напісаны яны на аснове старых царкоўных летапісаў і дакументаў, якія безнадзейна для нас згублены, знішчаны часам і ліхалеццямі. Да нядаўняга часу аб існаванні гэтых нататкаў нічога не было вядома, дадзеныя з іх унікальныя, пасля выхаду ў свет яны нідзе не выкарыстоўваліся. Каб будучыя пакаленні ведалі гісторыю сваіх храмаў друкуем вытрымкі з нататкаў аб праваслаўных храмах Добрушскага раёна (скарачэнні і мова нататкаў захаваны, толькі напісанне некаторых літар адаптавана да сучаснага рускага алфавіту).
Агульны выглядФота © К. Шастоўскі | Дата: 08.2008
2–3 чэрвеня 1897 г. «Село Старый Крупец. (зараз Крупец) Архиерея не было здесь 13 лет. Храм деревянный, новый, хороший; утварь церковная достаточная. Приход большой — больше 4000 душ обоего пола, но в числе прихожан больше 1000 душ раскольников. Причт из двух членов; жалованья положено им 644 р. в год. Земли при церкви удобной и неудобной 42 дес. У священника дом общественный, а у псаломщика собственный. Церковно-приходского Попечительства нет, нет там и ц.-прих. школы, а есть одноклассное народное училище, в котором обучается больше 100 чел. Библиотека церковная небогатая как по объему, так и по содержанию своему. Летописи церковной не ведется; нет даже и книги для записи событий. Местный священник С. старец, вдовец, слаб и нерадив».
Крыніца:
Вадзім ЛОСЬ, гісторык, член прэзідыума Гомельскага абласнога савета таварыства аховы помнікаў гісторыі і культуры.
Храмы Добрушчыны: Васільеўка, Жгунь, Харашоўка, Стары Крупец, Церахоўка
Газета “Добрушскі край” №70 ад 7 верасня 2011 года. – С. 7.