> Гродзенская вобласць > Астравецкі раён > мястэчка Астравец > Касцёл Адшукання Святога Крыжа
Астравец. Касцёл Адшукання Святога Крыжа
Астравец. Касцёл Адшукання Святога Крыжа

Касцёл Адшукання Святога Крыжа | Астравец

Год пабудовы (перабудовы): 1910-11
Каардынаты:
54° 36'40.80"N, 25° 56'47.26"E

Фотагалерэі

Выбраныя здымкі

Астравец. Касцёл Адшукання Святога Крыжа

Агульны выгляд Фота © Oleg Gramenitski |

Астравец. Касцёл Адшукання Святога Крыжа

Галоўны фасад Фота © К. Шастоўскі |

Астравец. Касцёл Адшукання Святога Крыжа

Галоўны фасад Фота © Mariusz Proskień |

Пабудаваны цераз дарогу ад каталіцкіх могілак ў 1910—11 гг. з цэглы на парафіяльныя сродкі. Узняты на высокі цокаль, выкладзены магутнымі вапняковымі квадрамі. Да адкрыцця ў 1994 г. выкарыстоўваўся як гандлёвы склад. Дзейнічае.

Помнік архітэктуры неараманскага стылю. У аснове аб'ёмна-прасторавага вырашэння — 3-нефавая 2-вежавая базіліка з трансептам і 5-граннай апсідай з сакрысціямі. Галоўны фасад фланкіраваны 2-яруснымі чацверыковымі вежамі (шатровыя завяршэнні не захаваліся); аб'ём нартэкса на ўсю шырыню запоўнены магутным перспектыўным парталам і акном-ружай над ім. У прасценках высокіх арачных нефавых вокнаў-трыфорыумаў ступеньчатыя контрфорсы. Спічасты сілуэт ствараюць 2-схільныя шчыты тарцовых фасадаў. У адпаведнасці са стылем у аснову ўсіх праёмаў пакладзена форма паўцыркульнай аркі. Сцены крапаваны аркатурнымі паясамі, нішамі-экседрамі, апяразаны прафіляванымі карнізамі.

Прастора інтэр'ера 2 радамі слупоў расчлянёна на нефы, перакрытыя цыліндрычнымі скляпеннямі. Над уваходам — галерэя хораў.

Крыніца:
А.М. Кулагін
Каталіцкія храмы на Беларусі
Мінск, Беларуская Энцыклапедыя, 2000