Выбраныя здымкі
Агульны выгляд Фота © Марина Гимпель |
Галоўны фасад Фота © С. Рамановіч |
Каменны храм пабудаваны ў 1888 г., на месцы даўняй могілкавай уніяцкай царквы Фота © С. Рамановіч |
Царква пабудавана на цэнтральнай плошчы ў 1888 г. з бутавага каменю і цэглы на месцы драўлянага храма 1747 г. У 1891 г. пабудавана драўляная царкоўна-прыходская школа. Прастольнае свята 14 кастрычніка.
Помнік архітэктуры псеўда-рускага стылю. Шматпланавая аб'ёмна-прасторавая кампазіцыя храма складаецца з папярочнага прытвора-званіцы, прамавугольнай трапезнай, кубападобнай малітоўнай залы з бакавымі прыдзеламі і прамавугольнай апсіды. Маляўнічы сілуэт будынка фарміруе 5-купалле над асноўным 2-ярусным аб'ёмам і цыбулепадобная галава над 2-яруснай (васьмярык на чацверыку) званіцай. Два бакавыя ўваходы арганізаваны праз нізкія прамавугольныя ў плане прытворы пад 2-схільнымі пакрыццямі і парталы з вісячымі аркамі. Галоўны ўваход вылучаны рызалітам з арачным парталам. Архітэктурна-дэкаратыўны эфект храма ствараецца спалучэннем паліхромнай бутавай муроўкі сцен з атынкаванымі элементамі дэкору: вуглавымі шырокімі лапаткамі, тонкапрафіляванымі карнізамі, аркатурнымі фрызамі, фігурнымі ліштвамі высокіх арачных аконных праёмаў.
У атынкаваную малітоўную залу шырокімі арачнымі прасветамі адкрываюцца трапезная, бакавыя прыдзелы і апсіда, вылучаная драўляным пазалочаным 3-ярусным іканастасам і бакавымі кіётамі ў псеўда-барочным стылі. Плоскую столь і бэлькі сяродкрыжка падтрымліваюць 4 слупы і вуглавыя ўкосіны. Столь і фрыз уздоўж яе пакрыты арнаментальнай размалёўкай.
Помнік архітэктуры псеўда-рускага стылю. Шматпланавая аб'ёмна-прасторавая кампазіцыя храма складаецца з папярочнага прытвора-званіцы, прамавугольнай трапезнай, кубападобнай малітоўнай залы з бакавымі прыдзеламі і прамавугольнай апсіды. Маляўнічы сілуэт будынка фарміруе 5-купалле над асноўным 2-ярусным аб'ёмам і цыбулепадобная галава над 2-яруснай (васьмярык на чацверыку) званіцай. Два бакавыя ўваходы арганізаваны праз нізкія прамавугольныя ў плане прытворы пад 2-схільнымі пакрыццямі і парталы з вісячымі аркамі. Галоўны ўваход вылучаны рызалітам з арачным парталам. Архітэктурна-дэкаратыўны эфект храма ствараецца спалучэннем паліхромнай бутавай муроўкі сцен з атынкаванымі элементамі дэкору: вуглавымі шырокімі лапаткамі, тонкапрафіляванымі карнізамі, аркатурнымі фрызамі, фігурнымі ліштвамі высокіх арачных аконных праёмаў.
У атынкаваную малітоўную залу шырокімі арачнымі прасветамі адкрываюцца трапезная, бакавыя прыдзелы і апсіда, вылучаная драўляным пазалочаным 3-ярусным іканастасам і бакавымі кіётамі ў псеўда-барочным стылі. Плоскую столь і бэлькі сяродкрыжка падтрымліваюць 4 слупы і вуглавыя ўкосіны. Столь і фрыз уздоўж яе пакрыты арнаментальнай размалёўкай.
Крыніца:
А.М. Кулагін
Праваслаўныя храмы на Беларусі
Мінск, Беларуская Энцыклапедыя, 2001