Царква Узвышэння Святога Крыжа | Дзяляцічы

Больш фотаздымкаў (12) >>

Свята-Крыжаўзвіжанская царква ў Дзяляцічах знаходіцца ў цэнтры вёскі на могілках. Пабудавана ў 1876 г. з дрэва. Побач з царквой пастаўлена 2-ярусная званіца з бутавага каменю. Прастольнае свята 27 верасня. Прыпісана да Свята-Ільінскага храма ў мястэчку Любча.

Царква — помнік народнага дойлідства, Да кубападобнага аб'ёму малітоўнай залы далучаны 2-ярусны бабінец і 5-гранная апсіда з 2 нізкімі бакавымі рызніцамі. Шатровы дах асноўнага зруба завершаны цыбулепадобным купалам на гранёным барабане. Уваход арганізаваны праз нізкую прыбудову прытвора. Гарызантальна ашаляваныя фасады прарэзаны прамавугольнымі аконнымі праёмамі ў ліштвах з сандрыкамі, дэкарыраваны вуглавымі лапаткамі.

Крыніца:
А.М. Кулагін
Праваслаўныя храмы на Беларусі
Мінск, Беларуская Энцыклапедыя, 2001